Alex Vidal (K34, -61 quilogramos, Natural Sport Riveira) acadou hoxe a medalla de prata do europeo de parataekwondo en Sofía (Bulgaria). O galego caeu na final contra o francés Bopha, despois de superar nas semifinais ao ruso Omarov.
Espectacular a campaña de Alex, que a semana pasada tamén foi prata nos Xogos IWAS, que se disputaron en Portugal, onde tamén caeu ante o francés. Nos últimos dous meses ambos taekwondistas enfrontáronse en tres ocasíóns, con triunfo para o galego no Mundial de Londres.
Alex encabeza o ranking cara á clasificación para os Xogos Paralímpicos de Tokyo, onde debutará o taekwondo como modalidade paralímpica. Departamento de comunicación