UNIVERSIDADE
O reitor da UDC, presidente da CRUE
.jpg&x=305)
A Coruña.- O reitor da
Universidade da Coruña, Julio Abalde, foi elixido presidente da comisión
sectorial de Xerencias na Asemblea Xeral de Crue Universidades Españolas que
tivo lugar na Universitat de València o pasado venres.
A organización Crue
Universidades Españolas, da que forman parte 76 universidades, públicas e
privadas, está presidida polo reitor da Universitat de Lleida, Roberto
Fernández. Está integrada por diversas comisións sectoriais, unha delas a de
Xerencias que reúne a todos os xerentes das universidades españolas e ten como
finalidade analizar e debatir todos os aspectos de índole económica,
financeira, fiscal, orzamentaria e de xestión de recursos das universidades.
Julio Abalde substitúe na súa presidencia ao reitor da Universitat Politècnica
de València, Francisco Mora.
Na Asamblea, o
presidente de Crue Universidades Españolas presentou as liñas mestras da Axenda
Política da institución. Entre os dez puntos clave da folla de ruta marcada por
Roberto Fernández –estruturada en dous grandes apartados: fortalecemento do
Sistema Universitario Español e fortalecemento das comunidades universitarias-
destacan a esixencia de maior financiamento e o desenvolvemento de políticas
que melloren a situación actual do profesorado e do persoal de administración e
servizos. A reducción das taxas universitarias e un aumento de bolsas e axudas
aos estudantes tamén figuran entre as prioridades.
Durante a súa
intervención, informa Crue Universidades Españolas, o reitor da Universitat de
Lleida adiantou aos reitores das 76 universidades a proposta que fará aos
consellos sociais das universidades, aos empresarios e aos sindicatos para
acadar “un consenso que reclame ao Parlamento poñer en primeira liña de
actuación a universidade española”. O obxectivo final deste gran acordo sería
lograr “un Pacto de Estado que poida derivar nunha lei de universidades” e que
permita ás universidades “ocupar o lugar que deberan na estratexia global para
o futuro de España. Non hai futuro en España se non hai un bo futuro para a
universidade”, asegurou Roberto Fernández ante os reitores presentes.
Ademais da
renovación na presidencia de Xerencias, a Asemblea Xeral aprobou o nomeamento
dos novos presidentes das comisións sectoriais de Asuntos Estudiantís, Internacionalización
e Cooperación, e Sustentabilidade. Departamento de comunicación