A CORUÑA
Frío de Galicia inicia a súa actividade co primeiro control de vehículos de transporte de percedoiros
A Coruña.- O Laboratorio de Frío de Galicia, ubicado
no recinto da estación de ITV de Espírito Santo en Sada (A Coruña), iniciou a
súa actividade coa realización do primeiro control de vehículos de transporte
de produtos perecedoiros. Trátase dunha nova aposta pola innovación, a
competitividade e a tecnoloxía de vangarda por parte de SyC-Applus, en liña co
seu modelo galego de inspección de vehículos. Aténdese ademais a outro dos
valores da concesionaria de ITV de Galicia, que é a cercanía. Ata agora tanto
os carroceiros como os transportistas tiñan que desplazarse ata Madrid, onde se
atopa o laboratorio de frío máis preto da nosa comunidade. De feito, ata a
posta en servizo do laboratorio de Espíritu Santo só existían dúas instalacións
en España –nas comunidades de Madrid, Andalucía- que outorgan as certificacións
con cobertura para transporte internacional. Ademais, acaba de abrir outra en
Castela A Mancha.
A flota de transporte de productos perecedoiros
é moi importante en Galicia, dado o peso do seu sector agroalimentario. Por tanto,
esta iniciativa, para a que foi necesario abordar un complexo proceso de
tramitación legal de cara á designación como estación oficial de ensaios ATP
polo Ministerio de Economía, Industria e Competitividade, beneficiará a
diversos ámbitos de actividade dentro dun sector cunha flota estimada en torno
a 15.000 vehículos.
Deste xeito, o Laboratorio de Frío de
Galicia convértese na única estación oficial nonorte de España homologada para
realizar os controis que esixe o Acordo Internacional de Transporte de
Mercadorías Perecedeiras (ATP), cumplindo coa normativa
que permite garantir a idoneidade de novos prototipos de vehículos ou para
verificar os que xa están en servizo.
No seu ciclo de vida, os vehículos destinados
a transporte de perecedoiros deben someterse a estritos controis tanto por
parte das OCA (organismos de control), como na propia inspección técnica de
vehículos. No laboratorio de frío desenvólvense os ensaios necesarios para
avaliar o estado dos contenedores de temperatura controlada necesarios para a
súa homologación, de xeito que podan ser carrozados nos vehículos con todas as
garantías. Unha vez que chegan ás estradas, eses vehículos deben superar unha
inspección técnica despois de seis anos, e logo cada tres anos. Cando cumpren
21 anos de vida os vehículosdeben volver a pasar polo laboratorio de frío para verificar
o correcto estado dos contenedores nos que viaxan os produtos perecedoiros.
Ademais, deben realizar este mesmo ensaio os vehículos importados con máis de
seis anos de antigüidade.
Un dos elementos máis positivos da posta
en marcha do laboratorio é que se beneficiarán desde fabricantes e carroceiros
ata transportistas, xa que tanto os ensaios no laboratorio como os controis
periódicos pódense realizar nas mesmas instalacións de SyC-Applus en Espíritu
Santo. Isto non só incide na eficacia e calidade das condicións isotérmicas dos
vehículos, senón tamén na comodidade dos propios usuarios. Ademais de evitar os
custos de desprazamento a puntos tan alonxados como Madrid, aforran os gastos
de manutención ou estancia, dado que debido á complexidade dos ensaios os
controis do laboratoiro adoitan prolongarse de dous a tres días. Ademais, o
obxectivo é favorecer con estas mesmas vantaxes a profesionais do sector
procedentes das comunidades limítrofes. De feito, se ben o primeiro vehículo
sometido a ensaios no Laboratorio de Frío de Galicia procede da nosa
comunidade, o segundo que entrará nas instalacións para o seu control xa
procede de Asturias.
O Laboratorio de Frío de Galicia
instalouse baixo os estándares de máxima calidade e vangarda técnica nos eido
dos sistemas de control de vehículos de productos perecedoiros, que teñen por
obxeto asegurar o mantemento da cadea de frío e por tanto a súa hixiene,
seguridade e calidade, para que chegen en óptimas condición aos consumidores.
A instalación consiste nunha cámara de
ensaio de 26 metros de lonxitude, na que se avalía a capacidade illante das
unidades isotermas. A tecnoloxía implementada polo laboratorio permitirá a automatización
na toma de datose a obtención de resultados, o que axilizará os procesos paraemitir
o as actas de ensaionun prazo máis reducido. Departamento de comunicación