DEPUTACIÓN DE LUGO
ABANCA incrementa os seus vínculos con Lugo
.jpg&x=305)
Lugo.- ABANCA, a primeira entidade financeira en Lugo, celebrou hoxe unha xornada de actos institucionais dirixida a reforzar os seus lazos coa provincia. O presidente da entidade, Juan Carlos Escotet Rodríguez, o conselleiro delegado, Francisco Botas, e o director territorial de ABANCA en Lugo, Walter Álvarez, visitaron a Deputación e o Concello de Lugo e mantiveron un encontro con representantes do tecido empresarial da provincia co obxectivo de seguir potenciando a súa colaboración.
“Para ABANCA é un orgullo e unha responsabilidade ser a entidade financeira líder en Lugo, condición á cal correspondemos a través dunha ampla actividade crediticia e de apoio á vida económica, social, cultural e deportiva da provincia”, sinalou Juan Carlos Escotet Rodríguez.
A xornada de actos institucionais de ABANCA en Lugo deu comezo cun almorzo de traballo con directivos dalgunhas das empresas máis representativas da provincia. Nel tratáronse aspectos de interese compartido polos empresarios e a entidade financeira, como a contorna económica ou o financiamento de proxectos empresariais.
A continuación os representantes de ABANCA desprazáronse ao Concello de Lugo para manter un encontro coa alcaldesa da cidade, Lara Méndez. Nel púxose de manifesto o compromiso de ABANCA coa capital da provincia, materializado en accións como o desenvolvemento por parte da entidade financeira dunha aplicación para o pago de recibos desde o teléfono móbil, dispoñible para o conxunto da cidadanía, tanto clientes como non clientes.
A xornada finalizou na Deputación de Lugo, onde o presidente de ABANCA, o conselleiro delegado e o director territorial da entidade en Lugo foron recibidos polo presidente do organismo provincial, Darío Campos. No encontro abordáronse posibles accións para profundar na liña de colaboración que ambas as institucións manteñen na actualidade. Nela destacan iniciativas como o Plan Activamos, a través do cal ABANCA concede financiamento en condicións preferentes para proxectos empresariais e familiares enfocados ao desenvolvemento socioeconómico.
ABANCA, en Lugo
ABANCA é a primeira entidade financeira da provincia de Lugo tanto en volume de depósitos como en financiamento concedido. No pasado ano o banco incrementou nun 18,66% a concesión de crédito na provincia. A entidade mantén unha ampla presenza sobre o terreo, cuantificada en 79 oficinas que dan cobertura ao 96,2% da poboación da provincia.
ABANCA mantén un forte compromiso cos sectores estratéxicos de Lugo que se materializa en cuestións como a tramitación de axudas PAC ao sector gandeiro, que a entidade lidera no conxunto da provincia, a colaboración con Expomar - Feira do Sector Naval en Burela, ou a firma de convenios con colectivos profesionais e sectoriais (médicos, avogados, veterinarios, confrarías, automóbil). Outro das colectivos claves aos que ABANCA presta especial atención é o dos emprendedores, aos que apoia con iniciativas como o Plan Activamos, os premios Idea Lugo, ou a colaboración coa Confederación de Empresarios de Lugo e a Fundación CEL nos Premios Empresario de Ano.
A entidade estende a súa vinculación con Lugo ao terreo do deporte. ABANCA apoia a clubes de múltiples disciplinas deportivas a través do seu acordo coa Fundación Deporte Galego, e colabora, por outro lado, cos principais clubes profesionais da provincia, CD Lugo e CB Breogán.
No ámbito lúdico, social e relixioso, ABANCA está presente nas principais citas da provincia, como Arde Lvcvs, San Froilán, Semana Santa de Viveiro, Feira do Bonito de Burela, Rapa das Bestas de Viveiro ou Feira dos Santos de Monterroso.
Polo que respecta á difusión da arte e a cultura, ABANCA, en colaboración con Afundación, desenvolveu en 2017 exposicións en Viveiro, Ribadeo, Vilalba, Monforte e Chantada. ABANCA