Santiago.- Este luns, o Ateneo
de Santiago realizará unha nova conferencia dos Luns do Ateneo, naque, baixo o
título “A cidade de Santiago de Compostela vista polo gran príncipe de
FlorenciaCosimo III de Medici (1669)”, o Profesor de Historia da Arteda
Universidade de Santiago Miguel Taín Guzmán analizará os pormenores da estadía do
entón príncipe herdeiro do Gran Ducado da Toscana na nosa cidade entre o 3 e o
6 de marzo de 1669 con motivo da súa peregrinaxe polo Camiño Portugués. Como
sempre o acto comezará ás 20.00 horas na sede de Afundación, situada na Rúa do
Vilar, 19, de Santiago de Compostela, onde se permitirá a entrada libre e
gratuíta ata completar o aforo dispoñible, e rematará cunha quenda de preguntas
por parte do público asistente.
Miguel Taín posúe o Diplômed’Etudes Approfondies
en Arts (ArtsPlastigues, ArtsduSpectacle, Histoire) da Universidade de
l’HauteBretagneRennes IIe é Doutor en Historia da Arte na USC, centro onde
exerceu diversos cargos nos últimos anos. É membro do Comité Español
de Historiadores del Arte (CEHA) dende os anos 90, de Icomos-España dende
2005, da Sociedad Española de la Historia de la Construcción dende a súa
fundación en 1996 e da ConstructionHistorySociety de Londres dende 2012. A súa
investigación acolle diversas liñas, sempre relacionadas coa arquitectura e a
arte española nos séculos XVII e XVIII en España, entre as que destacan os seus
estudos sobre debuxos e planimetrías, así como os dedicados á literatura artística,
de canteiría e de viaxes.
Oferta cultural do Ateneo de Santiago
O
Ateneo de Santiago presenta esta semana unha oferta cultural centrada na literatura
galega, onde, como é habitual nos actos desta entidade, haberá unha quenda de
intervencións do público asistente antes de rematar.
Así,
este martes presentarase a biografía Manuel Antonio. Vida e misterio dun
poeta galego de Xosé Ricardo Losada, onde seintentan resolver os
enigmas que envolven a figura do poeta nunha aura sublime e, ao tempo,
revolucionaria. Coorganizado coa Editorial Galaxia e coa colaboración de
Afundación, no acto, que terá lugar ás 19.30 horas na Rúa do Vilar, 19,
acompañarán ao autor, o poeta Carlos Lema, director de edicións de Galaxia, e o
profesor Antón Porteiro, que abrirá o acto en representación do Ateneo.
Do
mesmo xeito, o xoves día 24 terá lugar o encontro anual coas autoras
galardoadas co Premio da Crítica 2017 en lingua galega, coorganizado coa
Asociación Galega da Crítica e coa colaboración de Afundación. Estes premios,
que se deron a coñecer en Murcia o pasado día 21 de abril, recaeron nesta
ocasión na poetisa Lupe Gómez por Camuflaxe
e na escritora Emma Pedreira por Bibliópatas e fobólogos. Ademais
das autoras, no acto, que se desenvolverá a partir das 20.00 horas na Rúa do
Vilar, 19, intervirán BurghardBaltrusch e Teresa Seara para falar das
obras premiadas e a traxectoria das escritoras. Departamento de comunicación