GALICIA | UNIVERSIDADE
Patricia Faraldo, nova presidenta da área de Dereito da Axencia Estatal de Investigación
A Axencia Estatal de Investigación,
dependente do Ministerio de Economía e Competitividade, vén de nomear a
catedrática de Dereito Penal da Universidade da Coruña Patricia Faraldo Cabana
como presidenta da área de Dereito da División de Coordinación, Avaliación e
Seguimento Científico técnico.
A doutora en Dereito pola Universidade da
Coruña e diplomada en Criminoloxía pola Universidade de Santiago de Compostela
foi elixida tamén polo Ministerio de Xustiza como vogal permanente da Sección
de Dereito Penal que fará un estudo da posible reforma do Código Penal. Un
equipo de xuristas formado por 15 mulleres e 13 homes integran este órgano
asesor que deberá pronunciarse sobre materias de especial sensibilidade como a
liberdade sexual da muller e a tipificación que se fixo no Código Penal de 1995
dos delictos de abuso e agresión sexual, segundo informou o Ministerio de
Xustiza.
Patricia Faraldo
Patricia Faraldo Cabana é
doutora en Dereito pola UDC e diplomada en Criminoloxía pola USC. Actualmente é
catedrática de Dereito Penal na UDC e Adjunct Professor na Queensland University of Technology
de Brisbane, Australia, reincorporada logo de estar contratada como Marie Curie
fellow no Instituto Max Planck de Dereito Penal Internacional e Comparado de
Friburgo, Alemaña, durante un ano, e como Visiting scholar na Universidade
Albert Ludwig de Friburgo durante 10 meses.
Después de realizar a súa tese doutoral
sobre os delictos societarios, publicando a primeira monografía sobre o tema
tras a entrada en vigor do Código penal de 1995 e outros tres libros en anos
posteriores (Los delitos societarios,
Tirant lo Blanch 2000, El delito
societario de falsedad en documentos sociales, Tirant lo Blanch
2003, e Los delitos societarios,
Tirant lo Blanch 2015), investigou con carácter monográfico sobre Las causas de levantamiento de la pena
(Tirant lo Blanch 2000), Responsabilidad
penal del dirigente en estructuras jerárquicas (Tirant lo Blanch 2004), Las prohibiciones de residencia,
aproximación y comunicación en el Derecho penal (Tirant lo Blanch 2008), Las nuevas tecnologías en los delitos contra
el patrimonio y el orden socioeconómico (Tirant lo Blanch 2009), Asociaciones ilícitas y organizaciones
criminales en el Código penal español (Tirant lo Blanch 2012), Los delitos leves (Tirant lo Blanch
2016) e Money and the Governance of
Punishment (Routledge 2017).
Así mesmo dirixiu ou coordinou
multitude de libros colectivos, que recollen o froito de xornadas e seminarios
organizados pola UDC: Actas del I
Congreso Hispano-italiano de Derecho penal económico (Servicio de Publicacións da Universidade da Coruña
1998), Responsabilidad penal del profesional sanitario (NetBiblo 2002), Nuevos
retos del Derecho penal en la era de la globalización (Tirant lo Blanch
2004), Política criminal y reformas penales (Tirant lo Blanch 2007), Derecho
penal de excepción (Tirant lo Blanch 2007), Género y sistema penal (Comares 2010), Ordenación del territorio,
patrimonio histórico y medio ambiente en el Código penal y la legislación
especial (Tirant lo Blanch
2011), Comentarios a la legislación penal
especial (Lex Nova 2012), Las penas
privativas de derechos y otras alternativas a la privación de libertad
(Tirant lo Blanch 2013) e Falso
testimonio de testigos, peritos e intérpretes (Tirant lo Blanch 2017).
Realizou estadías de investigación en
Milán e Boloña (Italia), Friburgo (Alemaña), Toronto (Canadá) e Cidade do Cabo
(Sudáfrica), e impartiu conferencias e seminarios en universidades europeas,
australianas e americanas.
Desempeñou os cargos de Secretaria Xeral
e directora da Oficina para a Igualdade de Xénero da Universidade da Coruña,
actuando durante varios años como maxistrada suplente no Tribunal Superior de Xusticia
de Galicia e na Audiencia Provincial da Coruña.
Foi avaliadora de proxectos de
investigación para a Agencia Nacional de Evaluación de la Calidad y
Acreditación (ANECA), a Agencia para la Calidad del Sistema
Universitario de Castilla y León (ACSUCYL) e a National Research
Foundation de Sudáfrica. É membro do Group of Experts in Evaluation 12 de la
National Agency for the Evaluation of Universities and Research Institutes
(ANVUR) de Italia. Departamento de comunicación