O secretario xeral do PSdeG,
Gonzalo Caballero, puxo en valor a busca de “solucións” por parte do goberno
socialista ao “problema que xerou o PP” no relativo á entrega da recadación do
IVE ás comunidades autónomas.
Tralo “exercicio de cinismo” de
Feijóo, que tivo que recoñecer ante a ministra de Facenda que a situación
actual é consecuencia dos cambios normativos impulsados na etapa do PP, púxose
de manifesto o “compromiso” do goberno que encabeza Pedro Sánchez coa “mellora
da financiación” das autonomías.
De feito, como xa ten sinalado
o secretario xeral do PSdeG, Gonzalo Caballero, hoxe a ministra amosou a súa
vontade de “explorar unha solución dialogada e multilateral” que permita
“reverter o efecto negativo” que ten sobre as arcas autonómicas “o cambio na
xestión do IVA que aprobou o anterior goberno”.
Neste escenario, o líder dos
socialistas galegos volveu reclamar a Feijóo “lealdade institucional” cun
goberno que está “aportando solucións aos problemas xerados polo PP” na
anterior etapa. Departamento de comunicación