A CORUÑA | ALCOA

A Deputación da Coruña expresa o seu apoio aos traballadores de Alcoa

A Coruña. A  Deputación da Coruña expresa o seu apoio aos traballadores de Alcoa na Coruña e demanda a Xunta e Goberno de  Goberno de España “que traballen unidos por defender os postos de traballo”.

O presidente da institución provincial, Valentín González Formoso, trasladou hoxe o “apoio absoluto” da Deputación aos traballadores da compañía e demandou que a Xunta de Galicia e os gobernos de Asturias e España “traballen unidos para intentar revertir unha situación moi grave, que afectaría a preto de 700 traballadores nas plantas de Alcoa na Coruña e Avilés”.

González Formoso anunciou que goberno provincial convocará de forma urxente unha xunta de portavoces para levar ao próximo pleno da Deputación “unha declaración institucional que amose a unión de todos os grupos políticos neste tema”.

Formoso lembrou en España “pagamos a enerxía máis cara de Europa” e que “a pesar de que houbo dez anos para buscar solucións este tema, seguimos arrastrando un grave problema que pode continuar nos vindeiros anos e que terá consecuencias graves sobre o emprego e a economía do país se non buscamos as solucións necesarias”.

Pola súa banda, a vicepresidenta Goretti Sanmartín sinalu que “o noso país non pode permitirse o peche de Alcoa e a perda de case 400 postos de traballo”. Igualmente, sinalou que o peche “pon en evidencia a necesidade de que as empresas galegas de ser Galicia excendentario de enerxía. O lóxico sería que tivesen unha factura reducida, como acontece no País Vasco”,afirmou. Departamento de comunicación