AMES | DO 15 AO 18
Todo listo para a II Edición do Festival Internacional de Cinema Crianza
Ames. A II edición do Festival
Internacional de Cine Infantil Cinema Crianza arrinca este xoves, ata o domingo, cunha Mesa Redonda
que, baixo o título 'Cruce de Camiños', reunirá a persoas vinculadas á
creación e á educación para debater sobre o cinema como instrumento para
coñecer a realidade, fomentar valores e potenciar o espírito crítico desde a
infancia. Aberta ao público, terá lugar na Casa da Cultura de O Milladoiro, a
partires das 19 horas, e contará coa participación de Cristina Campos e Rafael Sánchez,
autores do blog 'O RECANTO DE LEO'; Manolo González, artifice da canle
de youtube 'CLIPHISTORIA'; Cristina Novoa, coordinadora da asesoría de
bibliotecas escolares da Consellería de Educación e Mamen Quintas, xerente de
Ficción Producción e responsable da serie infantil de Clan 'TUTÚ'.
O certame ten prevista unha
programación especial en torno ao Audiovisual e o Ensino no marco
da súa aposta polo cine como ferramenta na construcción da personalidade
adulta. Neste sentido, celebrarase unha proxección guiada por educadoras para medio
milleiro de alumnos con curtametraxes que lles permitirán reflexionar sobre a
migración, a igualdad de xénero, o acoso escolar ou o medioambiente.
As 73 curtas que optarán ao Premio Axóuxeres,
Buxainas e Premio do Público poderánse ver en 11 sesións recomendadas por idade (maiores de 2 anos, a partires dos 5 e maiores de 7), en dúas
sedes: A Casa da Cultura de Bertamiráns e na Casa da Cultura de O
Milladoiro. As historias de fútbol, medio ambiente ou as
curtametraxes musicais serán protagonistas nesta edición, na que tamén
descobriremos seres fantásticos, incribles xogos ópticos e unha rica variedade
de técnicas de animación.
No bloque Arredor dunha
Pelota veremos filmes que, procedentes de países como Irán, India, México,
Arxentina ou Brasil, retratan realidades dispares e temáticas como a exclusión
social, a amizade, o traballo en equipo ou a importancia do deporte para
escapar da miseria. No Reino das Harmonías poderemos descubrir a
idiosincrasia de diferentes lugares, a partires de historias sobre
instrumentistas e sobre música con sons que van desde acordes de jazz, aos
étnicos ou á espectacularidade duhna orquestra sinfónica. Pola súa banda, na
sección Brotes Verdes reflexionaremos sobre o poder do home para
destruir o planeta e a importancia de coidar a natureza.
O sábado, na bloque Música para
Parrulos, bailaremos, entre outros artistas, ao son de Xoán Curiel e
a súa Banda do Verán, que nos presentarán o disco 'A casa do Terror'.
Tamén Magín Blanco estreará o videoclip
'O avó Ie-ié'. As entradas pódense reservar en https://abilleteira.concellodeames.gal/gl
A converxencia entre cinema
e educación encádrase na filosofía coa que nace Cinema Crianza: a de converterse
non só en escaparate para novos cineastas, senón tamén nunha xanela aberta que
favoreza que o público infantil de Galicia acceda a un cinema diferente e
multicultural de alto contido social e de calidade. Departamento de comunicación