O ano 2019 vai chegar coa apertura definitiva do público do Pórtico da Gloria, tras a restauración que lle devolveu as cores orixinais. Tras dez anos de traballo minucioso o resultado puideron admiralo de xeito provisional e de balde case oitenta mil persoas, entre os meses de xullo e setembro.
A partir do mércores 2 de xaneiro, o grupo escultórico do Mestre Mateo volve estar aberto ao público. Será xa pagando dez euros por unha entrada que dará dereito a gozar cos restos de ata tres policromías: a medieval e as dos séculos XVI e XVII. CRTVG