DEPUTACIÓN DE LUGO
O Mercado de Nadal da Deputación pechou cun volume de vendas superior aos 25.000 euros
O
Mercado de Nadal 2018 da Deputación acadou un volume de negocio estimado en
preto de 25.000 euros, coa venda de produtos artesáns durante a festividade de
Nadal.Así o informou a Deputada de Cultura, Pilar García Porto, que explicou
que “o bo tempo e a calidade dos produtos que se puxeron en venda, propiciou
que os artesáns e artesás incrementasen o seu volume de negocio con respecto a edicións
anteriores. Cumprimos deste xeito coa finalidade última deste mercado, promover o
traballo dos pequenos artesanal e contribuír a poñer en valor os produtos con
selo artesán na provincia”.
Para o
72% dos artesáns e artesás que participaron na mostra, as vendas superaron as
expectativas dos vendedores, que foron mesmo superiores ao previsto, e incluso mellor que en edicións anteriores,
dado que o bo tempo, permitiu que un público numeroso se achegara ata a Praza
de San Marcos na procura dalgunha peza para regalar. A variedade nas
disciplinas artesanais permitiu aos lucenses escoller entre unha grande oferta
de produtos feitos con distintos materiais. Cada comprador investiu de media
entre 5 e 50 euros.
García
Porto lembrou “o compromiso do Executivo provincial na formación,
comercialización, promoción e difusión da artesanía lucense.Esta iniciativa de
impulso ás pequenas e medianas empresas e autónomos do sector artesanal da
provincia posta en marcha pola Deputación repítese con éxito ano tras ano. A mostra
favoreceu o contacto directo entre os artesáns e os clientes, conseguindo que a
promoción da artesanía lucense fose maior, converténdose nun mecanismo áxil de
comercialización dos produtos feitos a man.
“Estes
produtos son únicos, precisan de puntos de venta concretos en contacto directo
co público, para que este que teña a oportunidade de apreciar o traballo nunha
peza feita a man”.
A Deputada
de Cultura resaltou “a importancia deste mercado, que favorece o
desenvolvemento económico da cidade e da provincia. Desde a Deputación,
reforzamos a nosa aposta por potenciar a tódolos niveis un
sector artesanal que, ao igual que a economía vencellada aos produtos
autóctonos, supón unha oportunidade económica de primeiro nivel para a
provincia que non se pode desaproveitar”
A
variedade nas disciplinas artesanais permitiu ao público lucense escoller entre
unha grande oferta de produtos feitos con distintos materiais. Trátase de
produtos personalizados que o público non pode atopar nas grandes superficies. Departamento de comunicación