A asociación de empresarios de Vilalba
vén de anunciar que o venres 22 de febreiro, no auditorio Carmen Estévez
da localidade chairega, terá lugar a primeira edición da Gala
empresarial, na que esperan poder contar coa participación da maior
parte dos seus 200 asociados.
O encontro servirá tamén para facer
entrega de dous premios principais -empresario do ano e mellor
emprendedor- e cinco mencións especiais que servirán para recoñecer aos
máis destacados protagonistas noutros ámbitos: internacionalización,
responsabilidade social corporativa, mellor empresa do sector servizos,
empresarios da Terra Chá, e ao mellor proxecto emprendedor de nova
creación.
Durante a presentación, na que participou o delegado
territorial da Xunta en Lugo, José Manuel Balseiro, tamén estivo
presente o presidente da Asociación de Empresarios Sete Pontes, Álvaro
Fraga, o alcalde de Vilalba, Agustín Baamonde e o director da oficina de
Caixa Rural Galega de Vilalba, Martín Paz (entidade patrocinadora)