Santiago de Compostela | Este
luns, día 8 de abril, o Ateneo de Santiago levará a cabo unha nova conferencia
de Os Luns do Ateneo na Rúa do Vilar, 19 de Santiago de Compostela. Nesta
ocasión o convidado para desenvolver esta tarefa será o xornalista de
referencia internacional Ramón Lobo, quen tratará un tema tan de actualidade
como son as 'fake news'.
Na
conferencia titulada “Periodismo de guerra en tempos de fake news", que terá lugar ás 20.00 horas e tamén se poderá seguir
en directo a través da páxina web e redes sociais da asociación, o reporteiro
de guerra explicará como os xornalistas intentan poñer cancelas ás falsas
noticias que se espallan tan facilmente por internet e que teñen provocado
graves alteracións na historia da humanidade, chegando a ser decisivas para
desencadear conflitos bélicos e mesmo para a resolución dos mesmos cara a un ou
outro bando.
Licenciado
en Periodismo pola Universidade Complutense de Madrid, Ramón Lobo traballou
dende 1975 en diversos medios de comunicación como a axencia Pyresa, Radio
Intercontinental, Heraldo de Aragón,
Radio 80, Actual, La Voz de América, Expansión, Cinco Días, La Gaceta de los
Negocios e El Sol. Entre 1992 e
2012 traballou como redactor da sección Internacional de El País, cubrindo diversos conflitos como os de Croacia, Serbia e
Kosovo, Bosnia-Herzegovina, Albania, Chechenia, Irak, Líbano, Arxentina, Haití,
Ruanda, Nixeria, Guinea Ecuatorial, Serra Leona, Uganda, Congo, Zimbabue,
Namibia e Filipinas. En 2001 recibiu o XVIII premio de periodismo Cirilo
Rodríguez, outorgado pola Asociación da Prensa de Segovia. Leer más