Ribeira | A candidata de Cs ao Congreso pola Coruña, Marta Rivera, visitou hoxe Ribeira acompañada pola candidata á alcaldía desta localidade coruñesa, Laura Riveiro, para coñecer as preocupacións dos seus veciños e trasladar o proxecto de Cidadáns.
“As preocupacións son as mesmas en todos os lugares que visitamos: paro, pensións ou bolsas. Sitios distintos, mesmas preocupacións”
Unha das apostas de Cs pasa por crear un plan especial para o coidado do patrimonio rural.
“Dedicaremos unha parte importante do 1,5% cultural do Orzamento do Ministerio de Fomento xa que hai verdadeiras xoias nos nosos pobos”, destacou Rivera.
A candidata pola Coruña asegurou que Cs quere “inventariar, catalogar e actuar sobre todo o patrimonio en perigo”.
Por último, asegurou que “Pedro Sánchez tívose que encartar ao que era xusto e facer ese debate dobre” e lamentou que “tivésemos que chegar a esta situación”.
Neste sentido, lembrou que en Galicia “temos unha televisión pública que se nega a ofrecer unha información plural e segue vetando a CS nesta campaña”.