VILA DE CRUCES

Vila de Cruces traslada ao 9 de xuño a Festa Gastronómica do Galo de Curral

Vila de Cruces celebrará a Festa Gastronómica o 9 de xuño, en lugar do último domingo de maio, como era habitual nas últimas edicións. O cambio de data débese a que o 26 de maio teñen lugar os comicios municipais. O alcalde, Jesús Otero, indica que aínda está por decidir tanto o programa de eventos como o pregoeiro. O ano pasado, o presentador Carlos Lozano exerceu de divulgador das bondades desta cita gastronómica e do municipio cruceño, creando unha gran expectación.