El Confidencial
radiolider Buscador de noticias buscar en google
Más noticias

CALDAS DE REIS | ESTE SÁBADO

Caldas de Reis acolle o Foro da Auga

03-05-2019 20:19:42
Cartel do Foro da Auga.

A partir das 10:00 horas, o Auditorio Municipal de Caldas de Reis acollerá este sábado o Foro da Auga, organizado pola eurodeputada do BNG, Ana Miranda, e no que participarán portavoces de diversas plataformas medioambientais galegas, así como representantes locais e comarcais de Cuntis, Moraña, Noira, Vilagarcía, Viveiro, co obxectivo de afondar nos problemas da calidade da auga e do saneamento en Galiza.

“Para o Bloque é prioritario acadar o saneamento integral das nosas rías e ríos e así o avalan as nosas iniciativas”, subliña Miranda, quen insta ás administracións a cumprir a Directiva Marco da Auga. Esta xornada de traballo é a continuación da conferencia celebrada en Bruxelas sobre a auga como dereito o pasado 21 de marzo, na que tamén participaron colectivos medioambientais galegos. 

Así, no Foro tomarán a palabra Portavoces da Plataforma da Ría de Vigo; da Plataforma en Defensa da Ensenada de San Simón; da Plataforma en Defensa da Ría de Arousa; da Plataforma en Defensa da Ría de Pontevedra; do colectivo de Mariscadoras de Cambados; Plataforma en Defensa do Río Verdugo, e Plataforma Antiencoro do Umia.

Repercusión económicaSobre a participación destes colectivos, Ana Miranda salienta a importancia de escoitar ás plataformas preocupadas e afectadas pola calidade da auga en Galiza, no só desde o punto de vista medioambiental, senón tamén desde a perspectiva económica, en tanto que “a falta dun saneamento integral prexudica as actividades produtivas de pesca e marisqueo”, explica a eurodeputada galega, tanto no que se refire ás rías, os ríos e o saneamento no eido urbano e os problemas relacionados coa execución de fondos europeos. Departamento de comunicación / BNG





www.galiciadiario.com no se hará responsable de los comentarios de los lectores. Nuestro editor los revisará para evitar insultos u opiniones ofensivas. Gracias