Santiago de Compostela | O
vindeiro luns, o Ateneo de Santiago dará inicio á campaña das eleccións
municipais do 26M co primeiro debate dos principais candidatos á Alcaldía compostelá.
Baixo
o título “O proxecto cultural da cidade”, Martiño Noriega de CA, Agustín
Hernández do PP, Xosé S. Bugallo do PSOE e Goretti Sanmartín do BNG exporán,
durante 10 minutos cada un, as propostas culturais máis relevantes dos seus
respectivos programas electorais a desenvolver durante a vindeira lexislatura
na cidade.
A continuación, abrirase unha quenda de preguntas, na cal os
asistentes ao acto poderán formularlle aos candidatos as cuestións relativas ás
súas respectivas políticas culturais que consideren oportunas.
Este
primeiro encontro dos catro candidatos coa cidadanía compostelá terá lugar,
como todas as actividades dos Luns do Ateneo, ás 20 horas na Rúa do Vilar, 19
de Santiago de Compostela, podéndose seguir igualmente en directo a través do
facebook da entidade. Leer más