A CORUÑA | Este fin de semana, A Coruña recibirá por terceiro ano consecutivo á
liga Euskolabel, máis coñecida como liga ACT, así como á liga feminina
Euskotren, que se disputarán a III Bandeira Cidade da Coruña, unha
oportunidade para disfrutar da posta en escena das embarcacións vascas,
cántabras e galegas de primeira división de remo nacional loitando por
unha acreditación que os converta en gañadores dun campo de regateo que
reproduce o traxecto que facían no pasado os mariñeiros para desenvolver
a súa actividade pesqueira.
A alcaldesa Inés Rey destacou o interese
desta competición por recrear aquelas rutas: "É moi simbólica e estamos
encantandos de recibir o campeonato este fin de semana", sinalou a
rexidora, que animou aos de fóra da Coruña a visitar a cidade con motivo
deste acontecemento deportivo.
Impacto económico
Finalmente, é importante
sinalar que o retorno económico que deixou a ACT na Coruña en 2018,
segundo o estudo de impacto realizado pola escola de turismo, foi de
máis de 1.000.000 de euros, tendo en conta a asistencia estimada dunhas
8.000 persoas, cunha estadía media de 4,31 días e unha media de gasto de
65€ por día.
Ademais, segundo os datos achegados pola Euskal Label, a
regata na Coruña acadou unha audiencia do 17,2% de share en ETB, feito
que supón un grande impacto mediático do destino A Coruña en Euskadi,
quinta comunidade emisora de visitantes a nosa cidade. Polo tanto, o
interese turístico das competicións da liga ACT e de grande relevancia
para consolidar A Coruña como cidade de celebración deste tipo de
eventos.
A Liga ACT naceu en 2003, tras o acordo acadado polos gobernos
de Asturias, Cantabria, Galicia e Euskadi para apoiar e impulsar unha
disciplina deportiva e histórica do norte do estado. Un total de 16
embarcacións, 12 masculinas e 4 femininas competirán desde o sábado ás
18.00 horas pola III Bandeira Cidade da Coruña na praia de Riazor. Departamento de comunicación