Dende
inicios de mes desenvólvese no Pazo de Arenaza a primeira edición de 2019 do
programa ‘Se Buscan Héroes’, unha iniciativa que busca apoiar ao
emprendemento e a innovación nas
empresas, ademais de mellorar a empregabilidade dos participantes do programa.
Está dirixido preferentemente a persoas que se atopan en busca activa de
emprego e/ou que desexan desenvolver unha idea de negocio. Esta iniciativa
conta coa colaboración da Fundación Incyde e a cofinanciación do Fondo Social
Europeo.
Durante
tres semanas, do 1 ao 19 de xullo, as 23
persoas participantes (9 homes e 14 mulleres) acuden ao espazo de Iñás en
horario de mañá, de 9:00 a 14:00 horas, para traballar e desenvolver competencias como a
iniciativa, a empatía, a organización, o traballo en equipo ou a comunicación.
As metodoloxías aplicadas por equipo experto de 15 formadores baséanse no
sistema learning by doing, que ten
como meta a innovación e o desenvolvemento persoal a través de 75h de formación
presencial, 50h de formación online e 15h de orientación e/ou mentorización
individualizada.
Algúns
dos contidos previstos están relacionados coa marca persoal, as finanzas, as
habilidades comunicativas, Lean Startup e as novas tecnoloxías, entre outras.
As personas participantes tamén recibirán axuda na busca de emprego ou
mentorizaxe personalizada para o desenvolvemento da súa idea de negocio.
Estancias en empresas
Tras
rematar estas xornadas, as persoas participantes poderán acceder a estancias en
empresas da Coruña municipios dos alrededores atendendo aos
perfís, proxectose prioridades de los participantes. Entre as empresas xa
confirmadas están IKEA ou Inditex.
O Pazo
de Arenaza, impulsado pola Deputación da Coruña, leva funcionando dende abril e
acolle na actualidade a vinte e catro persoas emprendedoras e/ou novas empresas
do eido da arquitectura, do urbanismo, da tecnoloxía e da investigación. O
proceso para a presentación de solicitudes de acceso ao espazo encóntrase
permanentemente aberto e as súas bases poden ser consultadas na web
www.arenaza.pel.gal. Departamento de comunicación