ABANCA consolida a súa posición como principal accionista de Nueva
Pescanova tras adquirir un paquete de títulos equivalentes ao 6,03% do
capital que o Banco Santander (5,92%) e Caixa Geral de Depósitos (0,11%)
tiñan en Nueva Pescanova. Con estas compras, a entidade financeira
galega alcanza o 39,29% da pesqueira. Desde o 26 de xuño, ABANCA ten un
conselleiro dominical en Nueva Pescanova.
O presidente de ABANCA,
Juan Carlos Escotet Rodríguez, declarou onte que a intención do
banco é permanecer como accionista de referencia de Nueva Pescanova a
longo prazo, porque “é unha empresa estratéxica da economía galega e, en
especial, do sector do mar”. ABANCA financia, entre outros
investimentos, a construción de catro novos barcos da compañía para
Namibia e Mozambique, o primeiro dos cales entregouse o pasado 23 de
xullo. O obxectivo é apoiar o seu desenvolvemento nos ámbitos extractivo
e comercial. Nueva Pescanova ten 10.000 empregados en máis de 20
países.
Mediante o seu apoio ao Grupo Nueva Pescanova, ABANCA
contribúe a reforzar o sector do mar, no que Galicia é unha das
comunidades punteiras no mundo. Departamento de comunicación