SOBER
Presentado o cartel e programa de actos da XLIV Feira do Viño Amandi
O escenario elixido foi o miradoiro de Pena do Conde, na Barca.
.jpg&x=305)
REDACCIÓN | O alcalde de Sober, Luis Fernández Guitián, presentou hoxe no miradoiro de Pena do Conde, na Barca, a programación da XLIV Feira do Viño de Amandi, as actividades que forman parte do Mes do Amandi e o cartel anunciador do evento, cuxo autor é o vilalbés Eduardo Pérez Baamonde. Estivo acompañado por parte do equipo de Goberno, adegueiros e adegueiras. Este ano o convidado de honra é o Concello de Pereiro de Aguiar, nunha edición da feira que por vez segunda vai comezar o venres 22 de marzo e estenderse durante o sábado e domingo de Ramos. Para a presente edición están inscritas 22 adegas da subzona de Amandi. A xornalista e presentadora de televisión Lucía Rodríguez será a encargada de dar o pregón, o domingo día 24 ás 13:00 horas. Departamento de comunicación