A Fundación Caixa Galicia presenta a Semana Literaria do XXVI Premio Esquío

A Fundación Caixa Galicia comeza o vindeiro luns a Semana Literaria do XXVI Premio Esquío en Ferrol. Os escritores Javier Reverte e César Antonio Molina participarán nas conferencias "Treinta años de poesía" e "Viajar para escribir", que se celebrarán o luns e o martes respectivamente. As xornadas rematarán o xoves, co anuncio dos gañadores desta edición do Premio Esquío, á que se presentaron 157 obras. Este certame, en funcionamento dende hai máis de 25 anos, pretende promocionar a creación poética, tanto en castelán como en galego. Os primeiros premios de ambas categorías están dotados con 9.000 euros e a publicación do texto.