PSdeG / DIMISIÓNS DO COMITÉ BIOTÉNICA

Reclaman a comparecencia da conselleira de Sanidade

A portavoz de Sanidade do Grupo Socialista, Carmen Acuña, presentou a solicitude de comparecencia da conselleira de Sanidade, Rocío Mosquera, para que explique en Pleno ou Comisión a dimisión de 7 dos 17 membros do Comité de Bioética para denunciar a censura dun informe sobre desigualdades na asistencia sanitaria. 

 A responsable socialista ofrécelle á conselleira a oportunidade de atender ao encargo do presidente da Xunta, que onte eludía ofrecerlle o seu respaldo e a emprazaba a explicar a situación no órgano consultivo. Ademais, reclamou pola vía formal o informe que a conselleira “non quere ver publicado” e que provocou a dimisión en bloque. 

 Acuña sinala que “a conselleira pode agora escoller o Pleno do Parlamento ou a Comisión de Sanidade para explicarnos a tódolos galegos e galegas por qué vetou o informe e por qué os dimisionarios critican falla de independencia”. Emprazouna a “utilizar esta comparecencia para anunciar a súa dimisión”, logo de “ter servido como instrumento de Feijóo para dinamitar a sanidade pública”. 

 Engadiu que “é tempo de que descanse logo dunha xestión pragada de irregularidades, que provocou o colapso das urxencias e dos principais servizos hospitalarios, eivas na atención sanitaria, xubilacións forzosas, trato inhumano aos doentes de hepatite C, copagos e privatización sistemática da sanidade, sen esquecer o amaño de concursos internos para beneficiar ao seu propio marido”.