PSdeG?
Besteiro: “Navantia ten que ser un motor económico para Ferrol e para Galicia"
O
secretario xeral dos socialistas galegos, José Ramón Gómez
Besteiro, asegurou hoxe en Ferrol que “os socialistas de toda
España temos o compromiso de formar unha gran alianza para potenciar
o sector naval”, deixando atrás “catro anos de mentiras e falsas
promesas”.
O
líder dos socialistas galegos, xunto á candidata á alcaldía de
Ferrol, Beatriz Sestayo, mantivo hoxe unha reunión de traballo co
comité de empresa de Navantia.
“Despois de catro anos de maioría
absoluta do PP, a vida cambiou para peor nesta cidade, non houbo
liderazgo en temas estratéxicos como o naval”, manifestou
Besteiro.
“Os
concellos teñen que liderar os proxectos de cidade e o traballo no
naval foi deficitario nos últimos anos, os dirixentes do Partido
Popular foron incapaces de converter en realidade as promesas de
carga de traballo, que é mínima, non hai unha aposta decidida polos
asteleiros públicos”, lamentou.
En
opinión do secretario xeral do PSdeG, “Navantia ten que ser un
motor económico para Ferrol e para Galicia, os socialistas somos a
alternativa real de goberno e as cousas cambiarán a partir do 24 de
maio”.
“A
xestión negativa da dirección dos asteleiros públicos, nomeada por
políticos do PP, só provocou anuncios e promesas, pero a cidadanía
xa non cre, está decepcionada”, afirmou Besteiro, que confirmou a
participación dos socialistas na mobilización en defensa do sector
naval de Ferrol.
“Todo
o PSOE está sensibilizado co sector naval, que será importante no
noso programa electoral para impulsar a reindustrialización dunha
comarca como a de Ferrol”, asegurou.
Pola
súa parte, Beatriz
Sestayo confirmou a presenza socialista na mobilización do 10 de
maio para defender un sector naval “que é estratéxico pero está
completamente abandonado e castigado polo PP”, que lembrou que
gobernou en Ferrol, na Deputación de A Coruña, na Xunta de Galicia
e no Estado, e que polo tanto “non ten escusas para desmantelar o
naval”.
Fronte
a falta de resposta e os anuncios de remolcadores ou quimiqueiros
feitos pola Xunta e o PP que nunca se cumpliron, Sestayo amosou o seu
“compromiso absoluto” coas demandas dos traballadores do naval
para que dende o concello, co futuro goberno socialista, “Ferrol
lidere as esixencias de carga de traballo dende o minuto un, non hai
tempo que perder e Ferrol terá un goberno decidido en apostar por
este sector estratéxico”.
“Traballamos
tamén para desmontar as mentiras do PP, Feijóo dicía no Parlamento
que en Ferrol se constrúen remolcadores, ese é o desprezo do PP e
da dereita ós traballadores e a Ferrol, o invitamos a que se atreva
a vir ós asteleiros a dicilo”, remarcou Sestayo.
O
compromiso do Partido Socialista de Ferrol coa defensa do sector
naval queda patente xa na confección da lista electoral, na que o
número 2 é o empresario do sector naval Felipe Sas, e na
elaboración dun programa que incluirá a constitución dunha Axencia
Local e de Industria que posibilitará a defensa do naval na comarca.
Na
reunión de hoxe participaron os representantes dos Comités de
Empresa de Navantia Ferrol e Fene, que demandaron o apoio á
mobilización comarcal convocada polos traballadores como unha “nova
expression multitudinaria da cidadanía en defense do traballo”,
segundo puntualizou Ignacio Naveiras, portavoz do Comité en Ferrol.