PSdeG
Besteiro: "O PSOE é o cambio cara a confianza; somos un valor seguro"
O
secretario xeral do PsdeG, José Ramón Gómez Besteiro, afirmou esta
mañá en Madrid que o partido sae “con ansias renovadas” da
Conferencia Municipal celebrada esta fin de semana. “Refórzanos
moitísimo, sitúanos no papel da centralidade que ocupa o PSOE, e os
cidadáns están percibindo pouco a pouco que a resposta segura e
solvente para o cambio vén da man dos socialistas”, asegurou.
“Somos o cambio cara a confianza, cara a seguridade e a
sostibilidade dos concellos, os socialistas somos un valor seguro”.
Gómez
Besteiro destacou o traballo realizado durante estas xornadas para
artellar propostas “de sostibilidade dos concellos, de
transparencia, de bo goberno local e poíticas de servizos públicos”,
sempre coa fin de “atender o que necesitan os cidadáns”.
O líder
dos socialistas galegos resaltou que “os gobernos socialistas son
os mellor xestionados”, e puxo como exemplo en Galicia a Deputación
de Lugo ou o Concello de Vigo, xa que ambas institucións acabarán o
actual mandato con débeda cero sen renunciar ás políticas sociais
e a proxectos para as persoas.
De feito, iniciativas pioneiras como
os orzamentos participativos implantados na Deputación de Lugo foron
incorporadas esta fin de semana ao programa do partido para as
institucións locais de toda España
Máis
de medio centenar de candidatos e representantes das listas para as
municipais de Galicia estiveron esta fin de semana na Conferencia do
PSOE en Madrid, xunto co secretario xeral, José Ramón Gómez
Besteiro, e a secretaria de Organización, Pilar Cancela. Varios
deles protagonizaron intervencións nas xornadas.
É o caso de Abel
Caballero, alcalde de Vigo e representante do partido na FEMP, que
falou da xestión municipal en Vigo na inauguración como outra forma
de facer política, ou de Mar Barcón, que presentou o seu proxecto
para a cidade no foro de grandes cidades cunha proposta enfocada aos
nenos que tivo unha moi boa acollida. Alberto
Varela, candidato de Vilagarcía, presentou as propostas municipais
do partido xunto con compañeiros de toda España.
Carmela Silva, nas
xornadas sobre igualdade, ou Josefa Hermo, secretaria de formación
da Executiva galega e candidata en Porto do Son, que participou nos
talleres de Comunicación Política, foron outros dos asistentes,
xunto con outros candidatos ou candidatas como Beatriz Sestayo ou
José Ángel Vázquez Barquero, que aspiran ás alcaldías de Ferrol
e Ourense.