O Concello da Coruña convoca ás bandas locais para participar dentro da programación musical do Noroeste 2015, dentro da súa aposta firme por potenciar a riqueza cultural da cidade.
Todas as bandas que desexen participar na selección deberán presentar a súa candidatura segundo o formulario que pode descargarse xa desde a web municipal www.coruna.es. O prazo de presentación pecharase o venres 17 de xullo ás 14.00 horas, momento no que se reunirá o xurado, formado por representantes dos programadores musicais da cidade e técnicos municipais, para seleccionar as 10 bandas participantes conforme aos seguintes criterios de puntuación:
1º Calidade dos temas presentados
2º Calidade das actuacións dos vídeos
3º Traxectoria da banda
4º Discografía editada
5º Proxección da banda cara a fóra da cidade
6º Estética da banda
As bandas seleccionadas pasarán a formar parte do cartel do Noroeste 2015 na súa programación estendida –do luns 3 ao mércores 5cun custo de entre 1500 e 150€ por banda segundo a súa puntuación acadada.