EN XUÑO
O gasto do turismo internacional medrou un 14,1%
O gasto total do turismo internacional na comunidade galega medrou o
pasado mes de xuño un 14,1% en relación ao mesmo mes do ano anterior, segundo
os últimos datos da enquisa EGATUR, do Instituto de Turismo de España, que
recolle as cifras relativas ao gasto que realizan en Galicia os visitantes non
residentes no noso país.
Galicia presenta así o cuarto maior incremento a nivel estatal, so por
detrás das comunidades de Castela A Mancha, Castela e León e Aragón.
Segundo esta enquisa, o gasto total que realizaron os turistas
estranxeiros que visitaron Galicia neste xuño de 2015 foi de 90.373.561 euros.
O gasto medio por persoa tamén creceu no sexto mes deste ano cunha suba
do 2,8%, acadando case os 934 euros.
Tamén creceu no mes de xuño o gasto medio por persoa e día en relación ao
mesmo mes do pasado ano nun 8,4%, superando os 103 euros.
Estes datos tan positivos son consecuencia do incremento do volume de
turistas internacionais rexistrado na nosa comunidade, que creceron un 11%
neste mes e o maior gasto medio por persoa na viaxe
Primeiro
semestre do ano
En canto ao primeiro semestre do ano, tamén incrementouse o gasto total
do turismo internacional en Galicia, cunha suba neste caso do 7,1%, en relación
ao mesmo período do pasado ano.
Os turistas internacionais que chegaron a nosa comunidade neste seis
primeiros meses do ano realizaron un gasto total de máis de 383 millóns de
euros -383.282.799€-.