PRÓXIMO CURSO

Galicia terá preto de 4.000 unidades educativas concertadas

Galicia terá ao redor de 4.000 unidades educativas -aulas- concertadas no curso 2015/16, segundo anunciou a Consellería de Cultura, Educación e Ordenación Universitaria. Este luns o Diario Oficial de Galicia (DOG) publicou a orde que adaptará os concertos educativos ás necesidades de cada zona no próximo curso académico.

Neste aspecto, as modificacións que realizará a consellería corresponderán ás etapas de Educación Infantil, Primaria, ISO, educación especial, FP Básica e ciclos formativos de grao medio e grao superior.Mediante un comunicado, a Xunta afirmou que se realizarán os axustes necesarios "sobre todo nas localidades de grande densidade de poboación escolar". 

Así, sostén que no próximo curso haberá "un total 3.853 unidades concertadas".Un dos cambios é a introdución do segundo curso da Formación Profesional Básica, que se iniciou o pasado ano en substitución dos Programas de Cualificación Profesional Inicial. 

Para formalizar esta modificación, segundo publica este luns o DOG, terá que presentarse o "documento administrativo de formalización do concerto educativo" ao que o centro se atope subscrito. O devandito documento deberá ser asinado polo "titular do centro privado" ou, no seu defecto, por un "representante debidamente acreditado e polo director xeral de Centros". laregion