A Federación Galega
de Ciclismo e a Federación Galega de Tríatlon convocan para este domingo un
acto de homenaxe ás víctimas do accidente do pasado 12 de marzo en A Guarda. Na honra do falecido José Antonio Casas
Pérez (Ñito) e do resto de deportistas involucrados no tráxico suceso
acontecido na PO-552, realizarase unha marcha en bicicleta que atravesará os concellos
de Nigrán, Baiona, Oia e A Guarda.
A data
inicialmente prevista era a do 20 de marzo, pero a concentración tívose que
adiar ao coincidir co inicio da campaña de desprazamentos da Semana Santa e non
contar cos permisos necesarios.
Na mañá do 1 de
maio o punto de partida será a Ponte Romana da Ramallosa, no concello
pontevedrés de Nigrán, onde ás 10:00 horas arrancará o pelotón formado por
todas as persoas que se desexen sumar a esta iniciativa para percorrer en
bicicleta o traxecto ata o punto do sinistro.
Lucindo crespóns
negros en sinal de loito, os participantes rodarán aproximadamente durante hora
e cuarto cubrindo unha distancia de 28 kilómetros e deixarán de dar pedais no
escenario do accidente, no kilométro 44 da estrada PO-552. Alí, a familia de
Ñito depositará unha coroa de flores xunto á figura que o homenaxea e procederá
a ler un manifesto. A continuación, o pelotón regresará de forma controlada ata
a Ramallosa.
O accidente do
que xa se cumpriu un mes e medio custoulle a vida a Ñito, membro do clube Miñor
Bike, e deixou sete feridos máis, que pasaron a engrosar a lista negra de
víctimas mentres practicaban deporte nas estradas galegas e españolas nos
últimos tempos. Departamento de comunicación