PSdeG
Leiceaga: "Rajoy e Feijóo se manteñen nunha nube de incomprensión e fóra da realidade”
Santiago de Compostela.- O candidato
socialista á presidencia da Xunta, Xoaquín Fernández Leiceaga, dixo hoxe que
tanto Rajoy como Feijóo están a evidenciar que se manteñen “nunha nube de
incomprensión, fóra da realidade”. Así o evidencia a súa resposta diante da
actuación coñecida do ministro de Interior supostamente ao utilizar os
mecanismos do Estado para atacar deliberadamente a outros partidos políticos.
Sinalou que nin
o presidente da Xunta nin o presidente do goberno parecen “darse conta do que
representan estes comportamentos para a credibilidade dun partido de goberno
nun Estado Democrático e de Dereito”. Fixo estas declaracións aos medios de
comunicación antes de participar no acto de conmemoración do 25 aniversario da
Fundación 10 de Marzo, do sindicato Comisións Obreiras, hoxe en Santiago.
O responsable
socialista aludiu á “sensación estraña” que destila a resposta do PP
precisamente na recta final da campaña e “coa que está caendo” logo de que toda
España coñecera unhas conversas altamente reveladoras da actuación do actual
ministro do Interior.
“Felizmente
–continuou- apenas quedan 3 días para o remate da campaña electoral, e a partir
do domingo os responsables do PP espertarán e verán crúa realidade de que van
deixar de ser o partido que goberna España porque os cidadáns os van poñer no
seu sitio”.
Proxecto
socialista
Fernández
Leiceaga pediu o apoio cidadán para contribuír dende Galicia ao proxecto
socialista encabezado por Pedro Sánchez “porque é o único garante do cambio” e
que ademais deu sobradas mostras da súa capacidade de “integrar a sectores moi
amplos da sociedade”. Dixo que os demócratas e o electorado socialista “teñen a
súa referencia no PSOE, unha referencia de cambio posible e viable”.
En resposta a
preguntas dos xornalistas criticou a negativa do líder de Unidos Podemos a un
goberno presidido por Pedro Sánchez porque “sacrifica todo”, incluíndo un
“goberno posible” no pasado mes de marzo diante do “gran obxectivo de ser el
quen detente o poder”. Departamento de comunicación