Oleiros (A Coruña).- O candidato do
PSdeG á presidencia da Xunta, Xoaquín Fernández Leiceaga, asegurou hoxe en
Oleiros que o socialismo galego “dará unha resposta nova” aos problemas dos
cidadáns, deixando atrás o 25 de setembro as políticas do PP de Feijóo.
Nunha reunión
con cargos orgánicos e institucionais da comarca da Coruña celebrada esta tarde
en Oleiros, Leiceaga trasladoulles a necesidade de “facer un esforzo neste mes
para levar a nosa mensaxe a todos os recunchos”, agradecendo o traballo da
militancia.
“Atravesamos
tempos duros e desde o PSdeG temos que deixar claro unha vez máis o noso compromiso
coas persoas”, engadiu o candidato, que insistiu en que “o socialismo galego
está para dar resposta na economía, o emprego e os servizos básicos”, fronte a
insolidariedade do PP.
Na reunión, os
cargos do partido trasladáronlle a súa preocupación polo retraso nas axudas e
indemnizacións para os afectados polas inundacións que sufriu a comarca hai
cinco meses. Leiceaga comprometeuse a estudar o tema nos próximos días na busca
dunha solución. Departamento de comunicación