IMPARTIDO POR SOGAMA
Éxito do curso en liña sobre xestión en residuos e economía circular
Da orde de medio centenar de docentes de Educación Primaria, Secundaria e Formación Profesional ao servizo da Xunta de Galicia concluíron con éxito o curso de formación avanzado en liña promovido por Sogama baixo o título “A xestión dos residuos urbanos na economía circular” e materializado a través do Centro Autonómico de Formación e Innovación (CAFI), dependente da Consellería de Cultura, Educación e Ordenación Universitaria.
Estrutura e contidos
Con 50 lectivas, a actividade formativa deu comezo o pasado mes de febreiro e, ao longo deste tempo, impartíronse, a cargo de dous titores, 10 temas nos que se indagou na problemática derivada da inxente cantidade de lixo producido cada día, situación da xestión dos residuos en España e Europa, o marco normativo de referencia, profundando no Plan de Xestión de Residuos Urbanos de Galicia 2010-2020, o principio dos tres erres (redución, reutilización e reciclaxe), a compostaxe doméstica, a valorización enerxética da fracción non reciclable, o papel da cidadanía e a economía circular como gran concepto e aposta de futuro.
Tamén se desgranou o proceso de ampliación que Sogama levará a cabo no seu complexo medioambiental, contemplando a posta en marcha dunha planta de clasificación na que se separarán os envases plásticos, latas, briks e papel/cartón, ademais de dar continuidade á segregación do aceiro, o aluminio e o vidro, labor que xa se viña desenvolvendo na actual nave de reciclaxe, tratamento e elaboración combustible, que será remodelada.
Desta forma, a infraestrutura central de Sogama verá incrementada a súa capacidade nun 81%, pasando das 550.000 toneladas anuais a 1 millón, circunstancia que lle permitirá tratar, en condicións óptimas, todos os residuos urbanos xerados en Galicia, á vez que reforzará a súa achega á reciclaxe en 120.000 toneladas anuais, cuadriplicando as cifras actuais, e minimizará o uso do vertedoiro, sendo a súa pretensión chegar ao vertido técnico cero, é dicir, que verta únicamente aquela parte do lixo que non se pode reciclar nin valorizar material ou enerxeticamente.
Avaliación
Para obter a condición de apto neste curso, os profesores deberon superar os test asociados a cada tema e desenvolver unha actividade específica sobre economía circular.
A fin de complementar coñecementos e intercambiar experiencias, o curso contou cun foro específico no que os titores fixéronse eco de diversas cuestións de actualidade a fin de xerar opinión e debate.
Na cualificación final, cobra preso a aportación dunha actividades práctica sobre economía circular, toda vez que esta concíbese como novo modelo de desenvolvemento no que cobra especial protagonismo a reutilización e a reciclaxe, considerando os residuos como elementos de utilidade dados os escasos e limitados recursos naturais, insuficientes para satisfacer as demandas dunha poboación mundial en constante crecemento. Departamento de comunicación