MIÑO
Ethel Vázquez visitou as obras acometidas na Galea e na rúa Real
Miño.- A conselleira de
Infraestructuras da Xunta de Galicia, Ethel Vázquez, desprazouse hoxe a
Miño para visitar as obras que o governo local acometeu na zona da Galea. A
representante do executivo autonómico foi recibida na entrada da casa consistorial
polo alcalde Ricardo Sánchez e por outros membros do equipo municipal de
governo.
As
obras xa acometidas na Galea e na rúa Real, que hoxe visitou a conselleira de
Infraestructuras, tiñan como obxectivo fundamental mellora-la accesibilidade e
a conexión peatonal entre as duas rúas.
Na rúa Galea levouse a cabo a modificación das aceras para
aumentar o ancho das mesmas e, por outra banda, tamén se procedeu á
modificación do pavimento, á mellora da iluminación pública e á ordenación do
aparcamento. Polo
que respecta á rúa Real, nela reforzouse a pavimentación das zonas de roderas
de vehículos
Viveiro de empresas
No
transcurso da visita que a conselleira Ethel Vázquez efectuou ó municipio, o
alcalde Ricardo Sánchez aproveitou a ocasión para entregarlle unha copia do
proxecto do viveiro de empresas que o governo local proxecta na antigua escola
de Gallamonde. O
obxectivo, segundo sinalou o alcalde, é impulsar o emprendemento local.
A
proposta contempla a posibilidade de destinar a pranta baixa a empresas do
sector primario, que aportan valor engadido ás súas produccións; e montar nas dúas prantas superiores un centro
de coworking e un viveiro de empresas
enfocadas ás novas tecnoloxías e ó sector servizos. O
alcalde sinalou que con este proxecto “queremos impulsar a economía local e de
proximidade, e tamén contribuir a crear emprego”. Departamento de comunicación