MIÑO
Ricardo Sánchez mantivo en Santiago unha xuntanza co presidente da Fegamp
O alcalde de Miño,
Ricardo Sánchez, mantivo hoxe unha xuntanza, en Santiago, co presidente da Fegamp,
Alfredo García, nun paso máis por recabar apoios públicos que secunden un
obxectivo prioritario: lograr que o Estado amplíe de dez a trinta anos o pago
da débeda de Fadesa. Nela fíxolle entrega ó presidente da Fegamp dunha carpeta
que contén toda a información relacionada con este asunto.
No transcurso do encontro, o presidente
do organismo comprometeuse a facer o posible para que o secretario de Estado de
Facenda, José Enrique Fernández de Moya, acceda a manter unha xuntanza co rexidor
municipal na que se aborde a posibilidade de amplia-lo prazo de amortización.
Ricardo Sánchez, insistíu en que “é
fundamental que os poderes públicos se comprometan e contribúan, na medida das
súas posibilidades, a apoiar unha iniciativa que é a mellor posible para o noso
municipio e os nosos veciños, para evitar de este modo que sexan estos quenes
asuman directamente esta factura cunha desmesurada subida do IBI ou unha disminución
na calidade dos servicios municipais”.
Pola súa banda, o
presidente da Fegamp mostrou a súa disposición a colaborar co Concello en todo o
que sexa posible en este sentido. Departamento de comunicación