Lugo.- A Delegación Territorial da Xunta en Lugo acolleu hoxe a presentación da XII edición da Feira da Empanada e outros produtos dos Ancares que se celebrará esta fin de semana no concello das Nogais. Na presentación participaron o alcalde do municipio, Jesús Manuel Núñez; o representante da Asociación de Empresarios da localidade, Gonzalo Trobo; o tenente alcalde, Fernando Rodríguez, e o delegado territorial, José Manuel Balseiro, que actuou como anfitrión.
Os actos comezarán ás 20,00 horas do sábado cun concurso de empanadas e outro infantil de repostería. O domingo abriranse os stands ás 10,00 horas. Ás 13,00 horas lerá o pregón o deportista Diego Vallejo, bicampión de España de rallies de asfalto e campión de España de rallies todoterreo.