GALICIA | POLÍTICA
Galicia nomea Embaixador de Honra do Camiño ao Rei Don Xoán Carlos
.jpg&x=305)
O presidente da Xunta, Núñez Feijóo, anunciou hoxe na rolda de prensa do Consello a aprobación do recoñecemento como Embaixador de Honra do Camiño de Santiago ao Rei Don Xoán Carlos. Unha figura creada para distinguir o labor das persoas físicas ou xurídicas que contribuíron de xeito especial ao coñecemento e divulgación do Camiño, así como da cultura e dos valores xacobeos.
Ao longo da súa intervención, Feijóo recordou que entre as principais persoas que teñen manifestado o seu compromiso permanente co Camiño sempre estivo e está a Coroa: participando directamente como peregrinos; asistindo aos actos de cada Ano Santo e divulgando as rutas xacobeas en todo o mundo. De feito, a primeira distinción de Embaixador de Honra do Camiño de Santiago foille entregada ao Rei Don Filipe, salientou.
Finalmente, o titular da Xunta expresou o seu convencemento de que este título, como calquera peregrino, tamén fará na figura de Don Xoán Carlos un camiño de ida e de volta.