POLÍTICA | PSdeG
Gonzalo Caballero demanda "políticas activas" en defensa do medio rural
O secretario xeral do PSdeG-PSOE, Gonzalo
Caballero, acusou hoxe a Feijóo de ter consolidado a “Lexislatura do abandono e
do esquecemento do rural”. Caballero encabezou a delegación dos socialistas
galegos na mobilización convocada polo sindicato Unións Agrarias en Compostela
para a defensa do rural galego.
O líder dos socialistas galegos acusou ao
presidente da Xunta de terse limitado a presentar “anuncios de propaganda” para
agochar a súa “inacción e incompetencia” no “desenvolvemento dunha parte do
país fundamental para a Galicia do futuro”. As políticas do goberno galego,
dixo, “teñen fracasado á hora de establecer solucións para o medio rural”.
Reivindicou “unha aposta de calado para o
futuro do sector primario, para que poida recuperar o dinamismo e a acción
económica e social que lle corresponde e que é fundamental para entender a
Galicia actual”.
Incendios
Gonzalo Caballero sinalou neste sentido que
as medidas anunciadas onte polo presidente da Xunta para facer fronte aos
incendios forestais supoñen “parches, un plantexamento propagandístico”.
Trátase, dixo, de propostas “de aparencia que non afondan no problema e non
ofrecen unha solución integral e transversal” ás necesidades dunha política
forestal que aborde a prevención de incendios.
Criticou que presenten agora estas medidas
logo de constatar que “non cumpren coa normativa existente” en materia de
prevención e ordenación do monte galego con consecuencias tráxicas como as da
vaga de lumes do pasado mes de outubro.
O responsable socialista encabezou a
delegación do PSdeG en apoio desta mobilización convocada polo sindicato UU.AA.
na que participaron unha ampla representación do Grupo Parlamentario, así como
de cargos institucionais e orgánicos dos socialistas galegos. Departamento de comunicación