El Confidencial
radiolider Buscador de noticias buscar en google
José Manuel López García
Cartas al Director
Más noticias

CLIMACO

A provincia da Coruña, líder na investigación para a loita contra o cambio climático

17-02-2021 12:34:53

A CORUÑA | A necesidade de adaptación da poboación ao cambio climático é unha realidade de alcance planetario que debe ser afrontada con urxencia dende unha perspectiva de próximidade. A Deputación da Coruña, consciente da importancia do problema, apoia con este enfoque o proxecto CLIMACO, unha iniciativa pioneira en España para dar a coñecer á poboación as repercusións reais do quecemento global e adoptar medidas para previr futuros impactos irreversibles no territorio.  

A Deputación da Coruña, que neste mandato creou unha área específica de Transición Ecolóxica para impulsar políticas neste eido, sitúase así á vangarda das administracións públicas na preocupación por este tema, que vén de ser identificado como unha “emerxencia global” polo 64% dos participantes no recenté estudo da ONU e a Universidade de Oxford, a maior enquisa realizada sobre o cambio climático ata o momento, que contou coas respostas de 1,2 millóns de persoas de 50 países.  


Atlas do Clima na provincia da Coruña  

CLIMACO, proxecto que realiza a Fundación Matrix, Investigación y Desarrollo Sostenible co apoio económico da Deputación a través das liñas de subvencións a proxectos medioambientais, presenta resultados a escala da provincia da Coruña que se recollerán e publicarán no primeiro Atlas do Clima e o Cambio Climático na provincia da Coruña.  

O presidente da Deputación, Valentín González Formoso, destacou o “carácter pioneiro” do proxecto, “que porá a disposición da cidadanía dun atlas climático da provincia, que permitirá a consulta online dos distintos mapas interactivos que explican a evolución do clima e dos fenómenos climáticos na provincia da Coruña”.  

O deputado de Transición Ecolóxica, José Ramón Rioboo, destacou que o proxecto sitúa á institución provincial coruñesa como líder na investigación contra o cambio climático e lembrou que a Deputación ten abertas as súas liñas de apoio a proxectos medioambientais e protectoras de animais, cun orzamento de 400.000 euros.  

O ano pasado, a Deputación apoio 24 proxectos de entidades medioambientais coruñesas para accións coma un programa de sensibilización ambiental sobre a importancia das aves urbanas na cidade de Compostela (Asoc. Adiantium), o programa de redución de uso de plásticos da Federación Galega de Medio Ambiente, o programa de custodia do territorio da Fundación Fragas do Mandeo ou programa de conservación da Píllara nas dunas do Barbanza, da Sociedade Española de Ornitoloxía.    


CLIMACO nos institutos  

Outro dos obxectivos do proxecto é comprometer e senibilizar á mocidade con respecto ao fenómeno do cambio climático e os seus efectos no territorio, concretamente no seu entorno máis próximo.   O proxecto aprobado pola Deputación da Coruña contempla actividades educativas específicas para o alumnado de 3º e 4º da ESO da provincia. O obxectivo é facilitar o coñecemento e a sensibilización necesaria entre os mozos e mozas da provincia e estimular ao persoal docente dos institutos a converterse en axentes activos para encarar tamén este reto dende o ámbito educativo.
 
Deste xeito e para transmitir o verdadeiro alcance do fenómeno do cambio climático aos mozos e mozas da provincia da Coruña, a Fundación Matrix levará a cabo neste segundo trimestre do curso 20-21 unha acción divulgativa nos institutos públicos de ensino secundario que así o soliciten.
 
O alumnado dos institutos participantes asistirá de forma telemática a unha charla divulgativa a cargo do investigador responsable de CLIMACO, Alberto González. A continuación, profesorado, mozos e mozas de 3º e 4º curso da E.S.O. poderán tomar parte nun coloquio online en directo con este experto.
 

Información e inscricións

A participación nesta actividade é completamente gratuíta. A Fundación Matrix mantén aberto o prazo de solicitudes de inscrición, que deben dirixirse ao buzón educacion@fundacionmatrix.es para a reserva de solicitudes. As actividades terán lugar en horario lectivo, dacordo coa disponibilidadedos distintos centros.  

Para garantir a seguridade na situación de máxima alerta pola COVID-19, a Fundación Matrix desenvolverá todas as actividades de xeito telemático, tratando de facilitar ao máximo o encadre nas axendas escolares conforme á programación dos distintos centros.  


Compromiso social e contribución aos ODS

A Fundación Matrix lidera e desenvolve a investigación do cambio climático en Galicia cun proxecto pioneiro como CLIMACO, amosando o seu su firme compromiso cos Obxectivos de DesenvolvementoSostible (ODS) de Nacións Unidas, concretamente o ODS13, Acción polo Clima e o ODS 3, Saúde e benestar social, coñecida a vulnerabilidade da poboación humana ao cambio climático. Departamento de comunicación





www.galiciadiario.com no se hará responsable de los comentarios de los lectores. Nuestro editor los revisará para evitar insultos u opiniones ofensivas. Gracias