O PPdeG quéixase ante o Valedor do Pobo pola "obstrucción" do dereito á información por parte de Cultura

O voceiro de Cultura do Grupo Parlamentario Popular, Ignacio López-Chaves, presentou as súas queixas ante o Valedor do Pobo pola "obstrucción" por parte da Consellería de Cultura do dereito á información. López-Chaves solicitou informes e documentos en máis de 200 iniciativas "que non foron respostadas pola Consellería". Entre a documentación requerida atópase os documentos de A Cultura Circula, onde o PPdeG ve unha "posible irregularidade" no contrato ao irmán do conselleiro de Industria, Fernando Blanco, os documentos contables referidos ao "pago dun sobresoldo" ao secretario xeral de Cultura, Carlos Amoedo, e os contratos do Igaem. "Algo grave teñen que estar ocultando para impedir que esta documentación chegue ao Parlamento", declarou López-Chaves en referencia ao departamento que dirixe Ánxela Bugallo. "Vista la falta de amparo del Parlamento", o voceiro de Cultura da oposición presentou no rexistro do Valedor do Pobo unha queixa formal, "a ver si la conselleira recapacita y envía al Parlamento lo que es su obligación". O departamento que dirixe Ánxela Bugallo tense convertido, a xuízo do parlamentario popular, "en un lugar donde aíslan la documentación" e que recoñece "conscientemente la voluntad de limitar el derecho de información de los diputados". Cidade da Cultura O voceiro 'popular' de Cultura dixo en referencia á continuación das obras paralizadas na Cidade da Cultura que "ya era hora de que empezasen a trabajar después de dos años de gobierno". López-Chaves retou a "que nos digan cuál es el contenido" da Cidade da Cultura, motivo polo que paralizaran a construción de dous dos edificios. O voceiro criticou que Ánxela Bugallo "no fue capaz de presentar un contenido y se han tenido que reunir los presidentes de la Xunta y del Gobierno central para iniciar las obras". Neste senso, o parlamentario referiuse a unha "censura a la conselleira" por parte do máximo mandatario galego, Emilio Pérez Touriño, ao "tomar las riendas del proyecto", xunto co presidente José Luis Rodríguez Zapatero, despois de dous anos "sin hacer nada".