DEPUTACIÓN DA CORUÑA
Máis de un millón á contratación de persoal técnico de cultura en concellos, museos e centros de interpretación
.jpg&x=305)
A Coruña | A área de Cultura
da Deputación da Coruña contribúe á profesionalización da xestión cultural dos
concellos coa achega de máis de un millón de euros para a contratación de
persoal técnico dos servizos municipais de cultura e tamén para persoal de
atención a museos e centros de interpretación municipais.
Un total de 68
concellos recibirán este ano axudas para a contratación de persoal técnico
municipal para a xestión cultural nunha nova edición da convocatoria para a que
a área de Cultura da Deputación da Coruña achega 722.739 euros. A liña de axuda en
concorrencia competitiva destínase ao mantemento e creación de postos de
traballo de persoal técnico nos servizos municipais co obxectivo de contribuír
á profesionalización e ás boas prácticas no sector.
A Deputación da Coruña
fai pública tamén no Boletín Oficial a resolución do programa de subvencións a
concellos e entidades locais para contratar persoal técnico para a atención a
museos e centros de interpretación das que se benefician neste ano 38 concellos
que recibirán un total de 384.728 euros.
"Son dúas das
liñas da área de Cultura da Deputación da Coruña encamiñadas á creación de
emprego no sector, xunto con outros programas como a propia Rede Cultural ou o
apoio a festivais ou fundacións, por poñer un exemplo", destaca a
vicepresidenta e responsábel da área de Cultura da Deputación da Coruña,
Goretti Sanmartín Rei para quen "un dos obxectivos da xestión cultural foi
a dinamización, a profesionalización e xerar postos de traballo no sector
cultura, de cara unha maior dinamización e a unha xestión con boas prácticas de
maneira especial no ámbito municipal". Departamento de comunicación