HOMENAXE A CASTELAO
Pontón, na homenaxe a Castelao: "A esencia do BNG é defender Galiza"
Este país precisa máis BNG que nunca como
SANTIAGO DE COMPOSTELA | A portavoz nacional, Ana Pontón, aproveitou a homenaxe a Castelao
para proclamar que o BNG é a única forza que pon os intereses de
Galiza por diante fronte ao “sucursalismo” das forzas estatais
que se moven entre a “confrontación estéril” do PP e o
“servilismo inútil” do PSdeG.
“Quero
aproveitar este acto de honra a Castelao para recalcar cal é a
esencia do BNG: defender
Galiza.
Unha declaración de principios que quero expresamente recalcar neste
momento en que o país precisa recibir un trato xusto e porque
estamos neste escenario de crise o BNG é o muro de contención
contra a discriminación e o agravio que recibe do Goberno do Estado,
antes co PP e agora co PSOE”, declarou.
O
BNG existe para construír un país “vivo, forte e con futuro” e
para defender á sociedade galega “cunha lealdade que nin é
discutible nin é negociable”, -recalcou Pontón-, a diferencia das
forzas estatais “que fan o que lles mandan desde Madrid, que din
unha cousa e a contraria en función de quen sen sente na Moncloa.
Nin confrontación estéril a favor de Pablo Casado, nin servilismo
inútil a favor de Pedro Sánchez. O que Galiza precisa máis que
nunca, e máis BNG traballando a favor do país, un BNG cos mans
libres para seguir facendo o que sempre fixo: defender o que é xusto
para os galegos e as galegas, con coherencia, rigor e firmeza”,
destacou.
Pontón
botou man de exemplos para ratificar o papel do nacionalismo galego
na defensa dos intereses do país, como no caso da frota pesqueira
ante o Brexit, do
sector industrial con ALCOA á cabeza ou a favor da rebaixa das
peaxes da AP9.
“O
BNG é a forza da frota pesqueira galega, novamente traizoada polo
Goberno do Estado nas negociacións do Brexit; a forza dos
traballadores e traballadoras de ALCOA que nunca os vai vender nin
marear con escusas, a dos e das investigadoras dun país con
capacidade e recursos para ser líder en innovación e talento, é a
forza que, goberne quen goberne en Madrid, sempre di o mesmo: basta
de estafa, basta de agravio e transferencia a Galiza”, explicou. E
tamén é a forza que defende poñer fin ao espolio e usar os
recursos do país en beneficio do país.
Neste
sentido, Pontón cualificou de “vergoña” a subida histórica da
luz en plena onda de frío que lle impide ás familias e ás empresas
beneficiarse de ser produtores netos de electricidade. “Vergoña
para as eléctricas que volven comportarse con usura pero tamén para
os gobernos que llo permiten e, como temos as mans libres, seguimos
reclamando unha tarifa eléctrica galega”.
A
homenaxe a Castelao, inicio do curso político para o Bloque, estivo
marcada pola pandemia, empezando porque se celebrou no Panteón dos
galegos e das galegas ilustres en Santiago e non como é tradición
en Rianxo vila natal do nacionalista.
“Este
non vai ser un ano máis tras a ferida aberta pola COVID”, alegou a
portavoz nacional, “ten
que
ser o ano no
que reforcemos a sanidade pública e poñamos en marcha un novo
modelo de coidado das persoas maiores, e ten que ser o ano da
reactivación económica.
Por
iso, a prioridade do BNG é conseguir superar esta crise, saír do
pozo canto antes e nese obxectivo
non escatimaremos esforzos, con propostas en positivo”.
Galiza
precisa até o último euro, argumentou, para reforzar os servizos
públicos, empezando pola atención primaria e por desenvolver un
sistema de residencias de xestión pública que garanta o dereito a
unha vellez digna. No inmediato, e dada a preocupante evolución dos
datos da pandemia, -con rexistros máximos de contaxios-, Pontón
pide ao Goberno de Feixóo que por unha vez supere a improvisación e
que se anticipe con máis rastrexos e con cribados masivos en todas
as cidades, “porque o que está en xogo é a vida das persoas”.
12.600 millóns para a recuperación
No
ámbito económico considera clave para a reactivación conseguir un
reparto xusto e a xestión directa dos fondos europeos, -cun mínimo
de 12.600 M€-, e un concerto económico que lle permita a Galiza
ter a chave dos seus cartos. “Porque sempre que Madrid decide por
nós, saímos perdendo”, alega. Entre as prioridades, rescatar os
sectores máis impactados pola crise, poñer en marcha unha economía
verde baseada na ciencia e na investigación e modernizar os sectores
produtivos tradicionais.
“Tócanos
vivir un deses momentos que marcan a historia e neste momento
difícil, de moita vulnerabilidade social, o noso amor a Galiza
obríganos a traballar con perspectiva e con altura de miras, co
obxectivo de construír unha Galiza economicamente viva e socialmente
xusta, un país que poña as persoas no centro e que decida por si
mesmo para garantir o seu futuro e o do seu pobo”, indicou a líder
nacionalista.
“Galiza
é unha viaxe que facemos xuntos e xuntas, todos os galegos e as
galegas, e nesa viaxe queda a obra e a vida dun galego exemplar,
Castelao”, concluíu, “o Castelao
nacionalista, o artista universal, o político que loitou por darlle
a Galiza o status que lle corresponde como nación no mundo, o
Castelao que hoxe estaría orgullo da reacción do pobo galego ante a
maior crise vivida en tempos de paz”. Departamento de comunicación