MEDIO AMBIENTE E SOGAMA
En marcha unha exposión itinerante co fin de concienciar da necesidade de xerar menos residuos
.jpg&x=305)
A
Consellería de Medio Ambiente e Sogama poñen en marcha unha exposición
itinerante co fin de concienciar da necesidade de xerar menos residuos. A
conselleira de Medio Ambiente e Ordenación do Territorio, Beatriz Mato,
presentou esta mañá a exposición -Residuos= +Recursos que ten entre os
seus obxectivos visualizar este principio, ao que se suma a reutilización, o
aproveitamento dos produtos ata esgotar a súa vida útil; e a reciclaxe, para o
que é necesario separar os diferentes materiais e depositalos no colector
axeitado. Mato Otero argumentou que o primeiro e máis importante cimento na
xestión sustentable dos residuos é a súa prevención e a menor xeración dos
mesmos.
Salientou
que a exposición que comeza a súa andaina na Cidade da Coruña, ata o 30 de
decembro, e que visitará outras cidades galegas nace co obxectivo de promover
as boas prácticas da poboación en relación coa xestión sustentable dos
refugallos. Faise unha incidencia especial na necesidade de diminuír a xeración
de residuos en orixe, incentivar a reutilización dos produtos, e no fomento da
recollida selectiva, matizou.
Explicou que
o contido da exposición está baseado nun decálogo de consellos básicos para
reducir a produción de refugallos. Neste sentido, indicou que se trata dunha
tarefa na que a sociedade en xeral pode colaborar con pequenos e sinxelos
xestos. A modo de exemplo explicou que é recomendable, á hora da compra, facer
unha lista co que se precise e axustarse á mesma; recuperar o carro da compra
ou bolsas propias, xa que a vida útil dunha bolsa de plástico é de 12 minutos,
pero tarda séculos en degradarse; dar preferencia aos produtos locais e de
tempada; e priorizar a adquisición de produtos a granel e fuxir do embalaxe
excesivo.
No ámbito
doméstico tamén é recomendable separar os residuos correctamente, usar pilas
recargables, darlle unha nova vida á roupa que xa non se usa, ou non
desperdiciar alimentos... consello que tamén serve para cando comemos fora da
casa. Recordou que Medio Ambiente vén de poñer en marcha, xunto coas catro
asociacións provinciais de hostalería, unha iniciativa para reducir o
desperdicio alimentario neste tipo de locais.
En
definitiva, trátase de contribuír desde o traballo colectivo e individual para
abandonar o caduco modo de vida lineal e transitar cara o circular, que aposta
polo criterio multierre.
Por último,
a conselleira destacou que a posta en marcha desta exposición pecha un ano
especial para a Sogama, que este ano celebrou o seu vinte e cinco aniversario,
ao tempo que puxo as bases para o seu futuro co inicio das obras de ampliación.