UNIVERSIDADE
Everis e a Universidade dá Coruña crean unha Cátedra de Transformación Dixital
.jpg&x=305)
A Coruña.- O reitor da
Universidade da Coruña, Julio Abalde Alonso, e o socio responsable de everis en
Galicia, Jesús Lage Fernández, asinaron hoxe na Reitoría o convenio de creación
da Cátedra de Transformación Dixital.
A Cátedra,
adscrita á Facultade de Informática, ten como obxectivo acometer e profundizar
na transformación dixital das organizacións públicas e privadas de Galicia.
Segundo asegurou Lage Fernández, a Administración galega está á vangarda en
España na dixitalización no campo da saúde ou da educación. Nun proceso que
conta coa colaboración da UDC, dixo o reitor, queda camiño por percorrer pero
algunhas áreas como a dixitalización do sector sanitario galego, referente para
o resto de España, están moi ben posicionadas. Entre as actividades que se
están a poñer en marcha ao abeiro da Cátedra está a creación do Premio ao
mellor Traballo de Fin de Grao Aplicado, a realización de talleres e
conferencias e a realización de prácticas de alumnado da Facultade de
Informática na empresa everis.
O reitor asegurou
que hoxe “é un día importante para a UDC pola formalización deste convenio” que
vén a establecer unha liña máis de transferencia de coñecemento da universidade
á empresa do que se espera se beneficie o tecido industrial galego. Para o
responsable de everis en Galicia “esta alianza reafirma o compromiso de ambas
as dúas entidades co desenvolvemento científico e tecnolóxico de Galicia,
favorecendo unha aplicación práctica do coñecemento e impulsando a economía
galega baseada nun modelo de crecemento dixital”.
Este convenio
consolida a colaboración existente entre a Universidade da Coruña e everis que
comezou no ano 2010 e que culmina coa creación da Cátedra de Transformación
Dixital de tres anos de duración prorrogables. Tanto Abalde como Lage avanzaron
que outro dos campos de traballo a explorar está relacionado co novo Grao
Ciencia e Enxeñaría de Datos que se implantará na Facultade de Informática no
curso 2019/2020. Este título de big data presenta un abano de posibilidades de
colaboración coa empresa everis, explicou o reitor. O concepto de informático
tiña un perfil profesional monolítico, explicou o socio da empresa everis, pero
os novos requirimentos tecnolóxicos precisan a diversificación tamén nas
titulacións e o novo grao da UDC de xestión de datos é, segundo cualificou
Lage, “estratéxico”. Departamento de comunicación