GALICIA |UNIVERSIDADE
Julio Abalde, investido Doutor Honoris Causa pola Tbilisi State University
O reitor da
Universidade da Coruña, Julio Abalde, foi investido esta mañá, Doutor Honoris
Causa pola Tbilisi State University (TSU), Xeorxia.
Abalde agradeceu
no seu discurso “a honra que, como reitor da UDC, supón recibir este nomeamento
de Doutor Honoris Causa pola TSU”. “No meu nome e no da Universidade da Coruña
quero expresar a miña gratitude polo recoñecemento que nos fai esta nobre
institución de ensinanza e cultura no centenario da súa fundación”, engadiu.
A concesión desta
honra á UDC recoñece a “cooperación activa da Universidade da Coruña coa Ivane
Javakhishvili Tbilisi State University (TSU) e a contribución a súa
internacionalización”. A cooperación entre a TSU e a UDC comezou en 2013 coa
firma dun convenio de colaboración que permitiu o intercambio de estudantes,
profesorado e persoal de administración e servizos. Neste curso académico,
trece estudantes da TSU realizan os seus estudos na Universidade da Coruña. Nos
últimos anos, tamén estiveron na UDC unha decena de profesores, mentres que
seis docentes e dous membros do persoal de administración coruñesa pasaron pola
universidade de Xeorxia.
No acto estaba
tamén a vicerreitora de Internacionalización e Cooperación, Pilar García de la
Torre, quen xunto con outras autoridades académicas, foron recibidos no Palacio
Presidencial, ademais de participar nos distintos eventos que con motivo do
centenario da TSU se celebraron e no transcurso dos cales, o reitor Abalde
asinou no Libro de honra da universidade. Departamento de comunicación