DEPUTACIÓN DE LUGO
Aberto o prazo de reservas para as rutas fluviais en catamarán
Lugo.- O
Goberno da Deputación abriu hoxe o prazo de reservas para as rutas
fluviais en catamarán na Ribeira Sacra, que comezarán a funcionar o sábado 24
de marzo, a fin de semana previa á Semana Santa. Así o informou o Deputado de
Turismo, Eduardo Vidal Baamonde, quen indicou que “os interesados en gozar
dalgunha das rutas fluviais da Deputación poden facer a súa reserva a través da
Central de Reservas, na que poderán gardar ou comprar os billetes; así como solicitar
todo tipo de información”.
Pódese
facer online as 24 horas ou ben de luns a venres
de 09:00 a 14:30 horas no teléfono 982 260 196 e no email
catamaranes.turismo@deputacionlugo.org. No Pazo de San Marcos, concretamente na
primeira planta onde se atopa o departamento de Turismo, profesionais da
Deputación tamén atenden persoalmente a todos os interesados.
Vidal
Baamonde lembrou que “dende que o actual Goberno da Deputación asumiu a xestión
das rutas fluviais, o número de viaxeiros aumentou nun 30%, superando os 53.250
o pasado ano. Todo isto, tras as melloras levadas a cabo como a renovación
dunha Central de Reservas que funciona as 24 horas, a apertura dunha oficina de
turismo en Doade con profesionais que informar sobre a riqueza da Ribeira Sacra
ou a mellora das propias embarcacións, entre outras”.
Horarios
e tarifas das rutas fluviais
O
Goberno da Deputación abre hoxe o prazo para reservar as viaxes en catamarán
polos ríos Miño e Sil. O horario do seu funcionamento é o que se apunta a
continuación, a excepción da Semana Santa (dende o 24 de marzo ao 1 de abril)
na que haberá rutas todos os días, unha ás 11.30 horas e outra ás 16.00 horas:
.-
Doade: “Canón do Sil”, de Santo Estevo ata o Mosteiro de Santa Cristina; de mércores
a domingo, e días festivos, en horario de 11:30 e 16:00 horas.
Tarifas
.- Tarifa ordinaria billete
individual: 9 euros
.- Tarifa reducida billete individual
(maiores de 65 anos, carné xoven, nenos entre 4 e 12 anos inclusive): 5 euros.
. - Nenos de 0 a 3 anos: 0
euros (non obstante, cómpre reservar
praza)
.-
Belesar: “Ruta do Cabo do Mundo” no Miño, no Concello do Saviñao; os sábados,
domingos e festivos que determine o servizo ás 11:30 e as 16:00 horas.
Tarifas
.- Tarifa ordinaria billete
individual: 9 euros
.- Tarifa reducida billete
individual (maiores de 65 anos, carné xoven, nenos entre 4 e 12 anos
inclusive): 5 euros
.- Nenos de 0 a 3 anos: 0 euros (non obstante, cómpre reservar praza).
En
Doade, do 1 de xuño ao 30 de setembro, e en Belesar do 1 de xullo ao 30 de
setembro, haberá viaxes todos os días, en horario de 11:30; 16:30 e 19:00
horas. Departamento de comunicación