DEPUTACIÓN DE LUGO
A Deputación renova os contratos de patrocinio co Lugo e Breogán
Lugo.- O presidente Darío Campos Conde avanzou hoxe que “a Xunta de Goberno vén
de aprobar a renovacióndos contratos de patrocinio co CD Lugo e o CB Breogán,
cun marcado carácter social e turístico, e demostrando unha vez máis que somos
a administración que máis aposta polo deporte na provincia”.
Deste xeito, o executivo puxo en marchao proceso de contratación dos patrocinios, por un
importe máximo de 740.000 euros,entre a institución e o Club Deportivo Lugo e Club
de Baloncesto Breogán, as dúas entidades deportivas con maior peso social e
repercusión mediática na provincia de Lugo. Por primeira vez, o Goberno da
Deputación decidiu equiparar a contía das achegas para os dous clubs,
correspondéndolle a cada entidade 370.000 euros. O contrato con ambas entidades
terá unha duración dun ano, ata o 31 de decembro, comprendendo dúas temporadas
deportivas: a 2017-2018 e a 2018-2019.
Campos
Conde subliñou que “empregamos de novo a fórmula de colaboración, totalmente
pioneira, que arrancamos fai dous anos, e coa que tamén buscamos o maior
beneficio para o conxunto da nosa provincia e de todos os lucenses. A través
dos contratos de patrocinio ambos clubs comprométense a participar activamente
en actuacións sociais como visitas a hospitais, campañas contra a violencia de
xénero ou loita contra o cancro, partidos benéficos ou encontros mixtos para
promover a igualdade a través do deporte.
Por outra banda, os contratos tamén
teñen contraprestacións para a provincia en materia de turismo, pois
promoverase a marca Lugo ao longo do territorio nacional e daranse a coñecer os
recursos turísticos, culturais, naturais, patrimoniais, e produtos autóctonos
de todas as comarcas lucenses. Un terceiro aspecto a destacar é a promoción do
deporte base lucense. Hai que ter en conta que o Lugo conta con máis de 300 xogadores
nas súas categorías inferiores, mentres que a canteira do Breogán, vinculada ao
CB Estudiantes, está composta por preto de 500 rapazas e rapaces”.
Contraprestacións
no eido social
O
Goberno da Deputación busca con esta fórmula que o apoio económico que presta
aos principais clubs da provincia redunde en beneficio de todos os lucenses a
través de diferentes accións de carácter social que se contemplan nos
contratos. Así, o patrocinio asinado co Breogán para a tempada 2016-2017 supuxo
a realización de 21 visitas a centros de ensino, asociacións deportivas e culturais,
así como entidades sen ánimo de lucro de toda a provincia de Lugo coa presenza
de xogadores e técnicos, e onde se repartiron ata 15.000 entradas para os
encontros do club celeste.
Leváronse a cabo 6 visitas
a hospitais e centros de saúde de toda a provincia de Lugo, entre os que se
atopan o Hula, Cogami, Centro de Maiores de Abeiro, Centro de Recuperación de
ALUCEM, Párkinson de Lugo ou ASPNAIS, co obxecto de animar e dar forza ás
persoas enfermas ou con algún tipo de doenza.
Por outra banda, cada
partido que o Breogán disputou como local no Pazo Provincial dos Deportes
dedicouse a visibilizar e dar a coñecer o traballo de asociacións sen ánimo de
lucro da provincia como Somos Unidos Contra o Cancro, Protectora de Animais de
Lugo, Asociación de Párkinson, ALUCEM, ASPNAIS, Cáritas, UNICEF, ASORLU, ou o
Banco de Alimentos entre outros. Tamén se celebraron días solidarios a modo de
concienciación sobre diferentes temáticas como a Doazón de Sangue, o Día
Mundial contra o Cancro, Día Contra a Violencia de Xénero, etcétera.
Así mesmo, organizáronse
cinco charlas sobre temas relacionados cos hábitos de vida saudables, a
práctica da actividade físico-deportiva e o baloncesto como elemento de
inclusión social, con entrada totalmente de balde para todos os lucenses.
Promoción turística do conxunto da provincia
Ademais da participaciónen
actividadesde carácter social, ocontrato de patrocinio asinado entre a
Deputación e os dous clubs lucenses incide no seu papel comoembaixadores da
provincia, levando o nome de Lugo e todas as súas potencialidades ao longo do
territorio nacional e, deste xeito, contribuíndo a dinamizar a economía da
provincia a través do turismo.
Neste punto, cómpre
subliñar que no streaming dos partidos do Breogán emitiranse spots promocionais
da provincia; e tamén a web do club e as súas redes sociais (Twitter, Instagram
ou Facebook) serán canles de promoción dos recursos de Lugo. A media de persoas
que seguen os partidos do Breogán a través de streaming é de 6.000 persoas,
sendo o club da LEB Ouro máis seguido a través desta canle.A súa páxina web
conta con preto de 70.000 visitantes únicos durante a tempada; en Facebook ten máis
de 7.000 seguidores, en Twitter preto de 11.000, e en Instagram uns 2.600.
Así mesmo, durante os
partidos do CD Lugo no Anxo Carro emitiranse vídeos promocionais de todas as
comarcas lucenses, dando a coñecer os nosos recursos turísticos, culturais,
naturais, patrimoniais, e produtos autóctonos. Cómpre sinalar que a entrada
media ao estadio é de 3.800 espectadores por partido. É dicir, preto de 80.000
persoas ao longo do ano, o que da boa conta da repercusión directa que supón a
efectos de visibilidade.
Impulso do deporte base
O terceiro piar dos contratos
de patrocinio é o impulso do deporte base.Neste senso, a entidadeprovincial promoveua
sinatura de conveniosentre o CD Lugo e outrostrece clubs de fútbol daprovincia.
Estes son: SD Porto Burela, CF Monforte, Monterroso SD, Antas SD, SD Chantada, CD
Foz, Sporting Pontenova, Mondoñedo Ciudad, Escolas Deportivas Lourenzá, CD San
Ciprián, CD Castro, Palas CF e CD Cospeito. Os acordos contemplan a
colaboración activa na formación dos adestradores e a cesión de medios técnicos
e materiaisdeportivos permitindo que diferentes clubs da provincia unan
sinerxías en torno ao equipo de fútbol referencia da provincia e, deste xeito,
poidan crecer da man, fomentando o deporte base lucense. Departamento de comunicación