GALICIA

Edugal dará a coñecer a oferta educativa de Galicia

Pontevedra.- O director xeral de Centros e Recursos Humanos, José Manuel Pinal, representou hoxe a Consellería de Cultura, Educación e Ordenación Universitaria na inauguración da sétima edición do Salón da oferta de educación e formación de Galicia, Edugal, que se celebra ata o venres no Recinto FeiRal de Pontevedra. Un encontro que, tal e como sinalou, “funciona como unha ferramenta para dar a coñecer a oferta educativa a todos os que se atopan no momento de tomar decisións sobre o seu futuro”. “Coñecer cales son as alternativas, ser capaces de valorar todos os factores e poder escoller entre unha ampla e variada oferta, son claves á hora de acertar”, engadiu.
O director xeral salientou, ademais, que Edugal é xa unha cita indispensable entre os distintos axentes da comunidade educativas e as empresas, “un punto de encontro no que fomentar as relacións entre o mundo formativo e o laboral, que cada vez teñen que traballar máis xuntos para crear unha educación de calidade que responda ás necesidades reais do mercado de traballo”.