UNIVERSIDADE | UDC
Morre o primeiro reitor da UDC, José Luis Meilán Gil
A Coruña.- A Universidade da Coruña lamenta o pasamento
do exreitor José Luis Meilán Gil, falecido repentinamente a pasada noite. O
reitor, Julio Abalde, iniciou hoxe a sesión do Consello de Goberno cunha breve
lembranza do catedrático de Dereito Administrativo e instou a gardar un minuto
de silencio antes de comezar a reunión.
Abalde informou de que O Paraninfo da
Reitoría, cuxas bandeiras ondean a media hasta, acollerá a capela ardente para
render unha homenaxe póstuma ao exreitor. O velatorio abrirase ás 17:00 horas
de hoxe.
Meilán Gil foi o segundo reitor da
Universidade da Coruña, entre os anos 1990 e 2003. Tamén foi conselleiro de
Estado e diputado e figura chave na elaboración da Constitución do 78 e do
Estatuto de Galicia. Ademais da súa longa traxectoria como profesor tivo unha
destacada participación política na Comunidade. Foi distinguido coa Medalla de
Ouro de Galicia, a Gran Cruz do Mérito Civil ou a de Alfonso X o Sabio, entre
outros galardóns. Departamento de comunicación