PP | CONGRESO
Cospedal gaña en Galicia a primeira volta do Congreso Nacional do PP con 1.559 votos
A precandidata á
presidencia do Partido Popular María Dolores de Cospedal gañou en Galicia a
primeira volta do Congreso Nacional do PP con 1.559 votos, nunha votación na
que houbo o 87% de participación.
En segundo lugar,
con 1.161 votos, posicionouse Pablo Casado e a seguinte precandidata máis
votada foi Soraya Sáenz de Santamaría, que obtivo un total de 1.106 votos. Esta
foi seguida por José Manuel García-Margallo con 84 votos, mentres José Ramón
García Hernández acadou 36 votos e a candidatura de Elio Cabanes obtivo sete
votos por parte da militancia galega.
Xa por provincias,
en Pontevedra Cospedal acadou 317 votos, Santamaría 291, Casado 255, Margallo
21, José Ramón García Hernández 19 e Elio Cabanes tres. Con catro votos en
branco, a porcentaxe de participación foi do 85%.
En Ourense,
Soraya Sáenz de Santamaría obtivo 206 votos, Cospedal 177, Pablo Casado 94,
Margallo catro, José Ramón García Hernández tres, e Cabanes un. En branco só se
rexistrou un voto e nulos dous, acadando unha participación do 95%.
Na provincia da
Coruña a candidatura de María Dolores de Cospedal tivo un total de 573 votos,
Casado 416, Santamaría 319, Margallo 34, José Ramón García Hernández once e
Elio Cabanes dous. Ademais, houbo nove votos en branco e catro nulos, cunha
porcentaxe de participación do 86%.
En Lugo, Cospedal
obtivo 492, Casado 396, Santamaría 290, Margallo 25, García Hernández tres, e
Cabanes un. Con cinco votos e branco e un voto nulo, a porcentaxe total de
participación foi do 88%.
Ademais de
escoller aos dous precandidatos para optar á presidencia do partido, os
militantes inscritos elixiron aos compromisarios que os vindeiros días 20 e 21
de xullo votarán ao candidato que presidirá a formación. Trátase así dun
sistema de elección directa e indirecta de dobre volta, participativo e
democrático, que supón un avance significativo para o Partido Popular, unha
forza na que os afiliados teñen voz e voto, como demostraron na xornada de
hoxe.
Dende o Partido
Popular de Galicia agradecemos aos precandidatos que tomaron a importante
decisión de optar a presidir o partido así como a súa cordialidade e a
deportividade durante a primeira parte do proceso. Así mesmo, o partido desexa
sorte tanto aos dous precandidatos escollidos como aos outros catro que deron
un paso ao fronte para liderar a formación. Departamento de comunicación