GALICIA | POLÍTICA
A Dirección Federal do PSOE aproba o calendario de primarias autonómicas e municipais do PSdeG
A Comisión Executiva Federal do
PSOE aprobou o calendario de primarias para elixir, o vindeiro 18 de novembro,
o candidato nos municipios de máis de 20.000 habitantes e o
candidato á Presidencia da Xunta de Galicia.
En concreto, no que atinxe ás
primarias municipais, o prazo para concorrer abranguerá do 22 ao 25 de outubro,
data a partir da cal se abrirá o período para a recollida e presentación de
avais. Unha vez verificada a documentación presentada, a campaña interna
desenvolverase entre os días 9 e 17 de novembro.
En caso de que algún dos
aspirantes acade máis da metade dos votos non se requirirá segunda volta, e a
proclamación definitiva dos gañadores será o día 22; mentres que, no caso
contrario, a segunda volta terá lugar o 25 de novembro e a proclamación
definitiva do gañador será o día 29.
No relativo ás primarias
autonómicas, a presentación de precandidaturas remata o día 16 de outubro,
cando comeza o prazo de recollida e presentación de avais. A partires de aí, a
campaña durará entre o 4 e o 17 de novembro; e as datas de votación e
proclamación definitiva coinciden co estipulado para as primarias locais.
As normas e o calendario
aprobado pola Comisión Executiva Federal do PSOE veñen determinadas polo
Regulamento Federal de Desenvolvemento dos Estatutos Federais do PSOE, que rexe
o proceso. Departamento de comunicación